UEFA bosh kotibi Isroil futbol musobaqalaridan chetlashtirilmasligini bildirdi
UEFA bosh kotibi Teodor Teodoridis Isroil xuddi Rossiya singari futbol musobaqalaridan chetlashtiriladimi, degan savolga: “Isroil va Rossiyaning pozitsiyasi boshqacha. Isroil turnirlardan chetda qolmaydi”, ‑ deya javob berdi. Bu haqda TRT xabar qildi.
Qayd
etilishicha, 8 fevralʻ, payshanba kuni Yaqin Sharqning 12 davlati Isroilning
Falastindagi harbiy amaliyoti tufayli xalqaro turnirlarda ishtirok etishni
taqiqlab qoʻyishni soʻrab FIFAga murojaat qildi. Xat UEFA idorasiga ham yuborilgan.
“Avvalroq
Rossiyaning Ukrainaga qarshi tajovuzkorligi boshlangani sababli, UEFA Rossiya terma jamoasiga
qarshi sanktsiyalar joriy qilgan edi. Lekin negadir Isroilning Falastinga qarshi
shunga oʻxshash, balki
undan ham qonliroq
urushi va tajovuzkorligi hisobga olinmadi”, ‑ deyiladi xabarda.
Eslatib oʻtamiz, 2023 yil 7 oktyabrdan keyin Isroil tajovuzi sababli 27 mingdan
ortiq falastinlik halok boʻldi,
ularning 40 foizi bolalardir.
.png)
Mavzuga aloqador
-
Turkiyaning “Antalyaspor” klubida toʻp suruvchi isroillik futbolchi Sagiv Exezkel “Tarbzonsport” kludi darvozasiga gol urganidan soʻng kameraga “7 oktyabrdan beri 100-kun” yozuvi va bilagidagi Dovud yulduzini koʻrsatib, Isroilning Gʻazodagi genotsidini qoʻllab-quvvatlashini namoyon etdi. Keyinroq “Bashakshehir”da oʻynayotgan isroillik Eden Kartsev ham ham ijtimoiy tarmoqlarda “100 kun” soʻzi boʻlgan postni eʻʻlon qildi. Sportchilarning bu harakatlari qizgʻin muhokamalarga sabab boʻldi.
-
Frantsiyada futbol oʻyini vaqtida iftor uchun tanaffus qilish taqiqlangani ortidan yarim himoyachi Maxamadu Diavara Frantsiya yoshlar terma jamoasini tark etdi.
