Pokistondagi saylovlarda qamoqdagi sobiq bosh vazir partiyasi etakchilik qilmoqda
Pokistondagi milliy saylovlarda qamoqdagi sobiq bosh vazir Imron Xonning Pokiston Adolat uchun Harakati 98 ta oʻrin bilan etakchilik qilmoqda. 8 fevralda boʻlib oʻtgan umummilliy saylovlar natijalarini hisoblash davom etmoqda.
Pokistonda 8 fevralda boʻlib oʻtgan Milliy Assambleya va viloyat
assambleyalariga saylovlar natijalari chiqishda davom etmoqda. Saylov komissiyasi 266 oʻrinli Milliy
assambleyadagi 250 oʻrin taqsimotini eʻʻlon qildi.
Qamoqdagi sobiq bosh vazir Imron Xonning partiyasi boʻlgan
Pokiston Adolat uchun Harakati (PTI) tomonidan
qoʻllab-quvvatlangan mustaqil deputatlar 98 oʻrin, sobiq bosh vazir Navoz Sharif
boshchiligidagi Pokiston musulmon ligasi-Navaz (PML-N) 71 oʻrin, Bilaval Bxutto
Zardoriy boshchiligidagi Pokiston Xalq partiyasi (PPP) esa 53 oʻrinni qoʻlga kiritdi.
Dastlabki natijalarga koʻra, Milliy assambleya saylovlarida PTI
etakchilik qilmoqda.
Saylovchilarning saylovdagi ishtiroki haqidagi maʻʻlumotlar
hozircha eʻʻlon qilingani yoʻq. 2013 yilda Pokistonda saylovchilarning
ishtiroki 55,02 foizni, 2018 yilda esa 51,7 foizni tashkil qilgan.
Pokistonda 5 yil davomida qonunchilik vazifasini bajaradigan
Pokiston Milliy Assambleyasi va viloyat majlislariga saylovlar uchun ovoz berish 8
fevralʻ payshanba kuni boʻlib
oʻtgan edi.
Pokistonda oxirgi
umumiy saylovlar 2018 yil 25 iyulda boʻlib oʻtgan va Imron Xon hukumati hokimiyatga kelgan edi. 2022 yil 10 aprelda Pokiston Milliy Assambleyasida oʻtkazilgan
ishonch ovozida Imron Xon hukumati 174 ovoz bilan yiqildi.
Navoz Sharifning ukasi, uch muddat bosh vazirlik qilgan Shahboz
Sharif 2022 yil 11 aprelda bosh vazir etib saylandi va mamlakatni 2023 yil avgustigacha
boshqardi.
Mamlakatni umumiy saylovlarga qadar boshqaradigan muvaqqat
hukumat bosh vaziri Anvarul Haq Kakar 2023 yil 14 avgust kuni qasamyod qildi.
.png)
Mavzuga aloqador
-
Pokiston sudi seshanba kuni sobiq bosh vazir Imron Xonni davlat sirlarini oshkor qilganlikda ayblab, 10 yillik qamoq jazosiga hukm qildi. Sobiq bosh vazirga qarshi yana yuzga yaqin sud ishlari davom etmoqda. Unga qoʻyilgan ayblovlar orasida korruptsiya, terrorizm va hatto kufrni ham oʻz ichiga oladi. Xon bilan birga sobiq tashqi ishlar vaziri Shoh Mahmud Qurayshiy ham 10 yilga qamalgan.
-
8 fevralʻ kuni Pokiston qonun chiqaruvchi organi – Milliy Assambleya va viloyat kengashlarga boʻlib oʻtgan saylovlar chogʻida mamlakat boʻylab 51 ta terror hujumi uyushtirildi. Hodisalarda 12 kishi, jumladan, 2 nafar tinch aholi vakili halok boʻldi, 39 nafar huquq‑tartibot organi xodimi jarohatlandi.
