AQShdagi musulmon va arab jamoalari Bayden vakillari bilan uchrashishdan bosh tortdi
AQShning Gʻazoga nisbatan siyosatidan gʻazablangan musulmon etakchilar va siyosatchilar Chikagoda prezident Jo Bayden taklif qilgan yigʻilishda qatnashishdan bosh tortdi. Mamlakatdagi kamida 29 ta arab va musulmon tashkiloti hamda bir qancha jamoat faollari uchrashuvda qatnashishdan bosh tortgani aytilgan jamoaviy maktubni imzoladi.
Kamida 29
ta arab va musulmon tashkiloti etakchilari, shuningdek, bir qancha jamoat faollari
Baydenning yordamchilari bilan uchrashishdan bosh tortgan xatni imzoladilar, deya
xabar qildi ArabNews.
Qayd
etilishicha, Bayden Isroilning 31 mingdan ortiq falastinlikni oʻldirgan Gʻazoga
bostirib kirishini qoʻllab-quvvatlagani uchun qattiq tanqidga uchramoqda. Koʻp sonli
arab va musulmon saylovchilarga ega boʻlgan bir qancha shtatlarda oʻtgan soʻnggi
saylovlar Bayden nomzodiga jiddiy qarshilik koʻrsatdi.
Jumladan,
seshanba kuni Illinoys aholisi praymerizda ishtirok etadilar va oʻtgan payshanbaga
rejalashtirilgan yigʻilish shu kunga toʻgʻri keldi.
“Bizning
pozitsiyamiz aniq: prezident Bayden va uning jamoasi zudlik bilan oʻt ochishni
toʻxtatish hamda Gʻazoga cheklovlarsiz yordam oqimi tarafdori boʻlmaguncha, har qanday
uchrashuv faqat suratga tushish vazifasini bajaradi”, - dedi fuqarolik jamiyati
tashkilotlaridan birining vakili Yusif Zegar.
.png)
Mavzuga aloqador
-
Amerikalik musulmonlar Isroilning Gʻazoga qarshi urushida AQSh prezidentining harakatlariga nisbatan oʻz pozitsiyasini aks ettiruvchi “Baydendan voz kechish” kampaniyasini boshlashni rejalashtirmoqda, deya xabar qildi Axios nashri.
-
AQSh maʻʻmuriyati rasmiylari Isroilni qoʻllab-quvvatlashi Baydenning mamlakat va xorijdagi obroʻsining tushishidan xavotirda.
