Эрон суннийлар яшайдиган вилоятни 4 та ҳудудга бўлмоқчи
Эрон суннийлар яшайдиган вилоятни 4 та ҳудудга бўлмоқчи. Бу ҳақда Балоч ТГ канали хабар берди.
Таъкидланишича, бунга қўшимча равишда "10 миллион одамни кўчириш" ҳамда Систон ва Балужистон қирғоқларини бошқа вилоятларга ўтказиш масалалари кўриб чиқилмоқда.
Балужлар буни “Балужистон қирғоқларини босиб олиш” деб аташмоқда ва “уларнинг мавжудлигига хавф туғдиришидан" хавотирда. Манбанинг ёзишича, сўнгги пайтларда Балужистон қирғоқларининг барча қисмларида қурилаётган йирик аҳоли пунктлари сони кескин кўпайган.
Таъкидлаш жоизки, сунний балужлар истиқомат қиладиган Систон ва Балужистон вилояти Эрондаги энг йирик норозилик маркази бўлиб, тез-тез аксилҳукумат намойишлари ва хавфсизлик кучларига қарши тўқнашувлар билан ажралиб туради.
Мавзуга алоқадор
-
Ислом инқилоби қўриқчилари корпуси Покистоннинг Эрон билан чегарадош Балужистон вилоятида жойлашган “Жайш ал-Адл” (“Адолат армияси”) террорчилик гуруҳининг асосий базасига баллистик ракета ва учувчисиз самолётлар ёрдамида ҳужум уюштирди. Покистон томони бу ҳужумни мамлакат ҳаво ҳудудини асоссиз бузиш деб атади ва 2 боланинг ҳалок бўлгани, 3 бола жароҳатланганини маълум қилди.
-
Эрон томонидан Покистон ҳудудига ракета зарбалари берилгани ортидан Исломобод Теҳрондаги элчисини чақириб олди. Покистон разведкасидаги манба ушбу ҳужумга жавоб беришнинг барча имкониятлари кўриб чиқилаётганини маълум қилди.
