"Барча фаластинликларни ўлдиришга" чақирган конгресмен талаба намойишчиларни Ғазога ҳайдашни таклиф қилди
"Антисемитизм жамоат хизмати" тўғрисидаги қонун деб номланган биринчи қонун лойиҳаси 2023 йил 7 октябрдан бошлаб АҚШ коллежлари кампусида “маҳкум этилган ёки ноқонуний фаолиятда айбланган” ҳар қандай шахсни камида олти ойга “Ғазода жамоат хизматига” юборишни таклиф қилади.
Қонун лойиҳасида АҚШ университетлари бўйлаб тарқалган Фаластинни қўллаб-қувватловчи чодир шаҳарлар ҳақида алоҳида айтилмаган бўлса-да, у 2023 йил 7 октябрдан, ҲАМАС Исроилга кутилмаган ҳужумини бошлаган кундан кейин коллежлар кампусларидаги фаолликка қаратилган.
Баҳсли қонун лойиҳасини Фаластинга қарши позицияси билан танилган Теннесси вакили Энди Оглес илгари сурди. Февраль ойи бошида журналистларнинг фаластинлик болаларнинг ўлими ҳақидаги саволига у: "Биз уларнинг барчасини ўлдиришимиз керак", деган эди.
“Чет элда ўқиш тўғрисида”ги қонун деб номланган иккинчи қонун лойиҳаси “қўзғолон ёки ноқонуний норозилик учун ҳибсга олинган” ёки “тузатиш, қатнашиш ёки ёрдам бериш вақтида ҳибсга олинган” ҳар қандай чет элликларнинг “F, J ёки M визасини бекор қилишга” қаратилган".
Ренди Вебер билан бирга қонун лойиҳасини имзолаган вакил Жефф Дункан Х ижтимоий тармоғидаги постида ўз қўллаб-қувватлашини билдирди ва шундай деди: “Бизга Америка заминида ҲАМАС тарафдорлари керак эмас, улар бизнинг қонунларимизни бузади ва ёшларимизда Америкага нисбатан нафрат уйғотади".
.png)
Мавзуга алоқадор
-
АҚШ Сенати Украина ва Исроилга 110 миллиард долларлик моддий ёрдам ажратиш тўғрисидаги қонунни рад этди.
-
Номаълум жангарилар Ироқ пойтахти Боғдод шаҳри марказидаги қаттиқ қўриқланадиган “яшил ҳудуд”да жойлашган АҚШ элчихонасини ракета билан ўққа тутди.
