Афғонистонда сув тошқини оқибатида камида 40 киши ҳалок бўлди
Афғонистондаги сув тошқинлари оқибатида камида 40 киши ҳалок бўлди, 347 киши жароҳат олди, дея хабар бермоқда «Анадолу» агентлиги.
Қурбон
бўлганлар орасида бир оиланинг беш аъзоси ҳам бор, деди вилоят матбуот
котиби Содиқуллоҳ Қурайший.
Улар уйнинг томи қулаши оқибатида ҳалок бўлган.
Барча қурбонлар шарқий Нангарҳор вилоятида қайд этилган,
деди муваққат соғлиқни сақлаш вазирлиги вакили Шараф Замон. У қурбонлар сони ортиши мумкинлигини қўшимча
қилди.
Афғон
расмийсининг айтишича, жабрланганларга тиббий хизмат кўрсатилмоқда ва муваққат
маъмурият касаллик тарқалишининг олдини олиш учун халқаро ташкилотлар билан
мувофиқликда иш олиб бормоқда.
Қайд
этилишича, Нангарҳор вилоятида 400 га яқин уй вайрон бўлган. Кўпгина ҳудудларда
электр энергияси узилган. Жалолобод шаҳрида алоқа чекланган. Ҳозирча етказилган
зарар аниқланмоқда.
Ҳукумат
аввалроқ мамлакатнинг 12 та вилоятида кучли бўрон ва ёғингарчиликлар бўлишидан
огоҳлантирган.
Эслатиб
ўтамиз, Афғонистонда май ойида кузатилган кучли сув тошқинларида 300 дан зиёд киши
ҳалок бўлганди.
Мавзуга алоқадор
-
Дунё бўйлаб давом этаётган сув тошқинлари қурбонлари сони ҳам ортиб бормоқда. Сўнгги кунларда сув тошқинлари сабабли Афғонистонда 300 дан зиёд киши офат қурбонига айланган бўлса, бу кўрсаткич Кенияда 267, Бразилияда 144, Индонезияда 27 нафарни ташкил этмоқда. Жабрланганлар сони ва зарарлар миқдори ҳам жуда юқори.
-
Ўзбекистон сув тошқинларидан жабр кўрган Афғонистон халқига навбатдаги инсонпарварлик ёрдамини юборди. Ёрдам таркибида чодирлар, шунингдек, ун, гуруч, консерва, макарон, ёғ ва бошқа маҳсулотлар бор. Афғонистон шимолида май ойи бошида кучли ёмғирлар сабабли сув тошқинлари юз бериб, юзлаб киши ҳалок бўлганди. Ҳодисадан энг кўп Бағлон вилояти зарар кўрган.
