Ҳиндистон ҳукумати Кашмирдаги масжидда намоз ўқишни тақиқлади

Ҳиндистон ҳукумати Кашмирдаги энг катта масжид - Жамия масжидида Рамазон ойининг охирги кечаларида намоз ўқишни тақиқлади. Бу ҳақда “ТRТ” нашри хабар бермоқда. 

Масжид бош имоми Умар Фаруқнинг сўзларига кўра, айнан “Лайлатул Қадр” кечасида масжиднинг ёпиб қўйилишидан минглаб мусулмонлар норози бўлган.

“Йиллар давомида мусулмонлар бу кечани жомеъ масжидида намоз ўқиб ўтказарди. Ҳукумат чеклови эса аҳолининг жиддий эътирозига сабаб бўлмоқда”, дейди у ўз баёнотида.

Хабарда айтилишича, Ҳиндистон ҳукумати 2019 йилда Кашмирнинг автоном мақомини бекор қилганидан бери, ҳудудда жума намозларини ҳам тақиқлаяпти.