Гвинеяда Ражаб Тоййиб Эрдўғон номидаги янги масжид очилди

Туркия президенти Ражаб Тоййиб Эрдўғон видеоконференция орқали Гвинея пойтахти Конакри шаҳрида ўзининг номи билан аталган янги масжиднинг очилишида қатнашди. 

“Анадолу” ахборот агентлигининг хабарига кўра, мазкур масжиднинг тамал тоши Эрдуғон томонидан 2023 йилда қўйилган бўлиб, у 3 200 квадрат метр майдонга эга. Бу ерда бир вақтнинг ўзида 2 100 киши намоз ўқиши мумкин.

Эрдўғон ўз нутқида масжиднинг шунчаки тош ва оҳакдан қурилган бино эмас, балки ақл, имон ва виждон маҳсули эканини таъкидлади. “Бугун биз нафақат масжид очмоқдамиз, балки қалбдан қалбга уланадиган биродарлик кўпригини ҳам барпо этмоқдамиз”, деган у.