Ijtimoiy tarmoqlarda 19 yoshli yigit onlayn qimorda katta miqdorda pul yutqazib, oʻzini daraxtga osib oʻldirgani haqidagi xabarlar tarqaldi. Bosh prokuraturaga koʻra, joriy yilning 31 may kuni Yashnobod tumani Istiqlol koʻchasidagi daraxtdan 2006 yilda tugʻilgan, Sirdaryo viloyatining Oqoltin tumanida yashovchi F.Oʻ. ismli yigitning arqonga osilgan jasadi topilgan. Ayni paytda tergov harakatlari olib borilayotgani aytilmoqda.

Prezident farmoni bilan Oʻzbekistonda 2025 yil yanvardan internet tarmogʻida tavakkalchilikka asoslangan oʻyinlarni (onlayn qimor – tahr.) tashkil etish va oʻtkazish, bukmekerlik faoliyatini amalga oshirishga ruxsat berildi. Jamoatchilik mazkur qarorni qanday qabul qildi? Azon Global ijtimoiy tarmoqlar foydalanuvchilarining ushbu qarorga munosabatini oʻrgandi.