Rossiyaning Vladimir viloyatida maktablarda niqob va hijobga taqiq qoʻyilgani Z-patriotlar va Shimoliy Kavkaz respublikalari siyosatchilari oʻrtasidagi ziddiyatlarga sabab boʻldi. Rossiya Davlat Dumasi deputati, dogʻistonlik Biysulton Hamzaev Vladimir viloyatidagi amaldorlarni “ahmoqlar” deb atagan. Chechenistondan uning hamkasbi Adam Delimxanov Vladimir viloyati mahalliy amaldorlari bilan “muzokaralar” oʻtkazilayotganini maʻʻlum qilgan. Ushbu bayonotlar Z-patriotlarini gʻazablantirgan.

Qorachoy-Cherkasiyada Federal xavfsizlik xizmati (FXX) xodimlari maktab maъmuriyatlaridan hijob kiygan oʻquvchi qizlarning roʻyxatini tuzishni talab qilmoqda. Bu talab hatto birinchi sinf oʻquvchilariga ham tegishli ekani aytilmoqda.