Bayrutda Arab ligasi bosh kotibi yordamchisi Husam Zaki qarshilik harakati siyosiy byurosi aʻʻzosi Muhammad Raad bilan uchrashib, unga liga qarorini maʻʻlum qilgan. Jurnalistlar bilan suhbatda misrlik diplomat Hizbullohning Isroil bilan mojarosi kengayishiga yoʻl qoʻyib boʻlmasligini hamda barcha tomonlar BMT Xavfsizlik Kengashining 1701-rezolyutsiyasiga rioya qilishi kerakligini qoʻshimcha qilgan. Maʻʻlumot uchun, 2016 yilda Arab ligasi Saudiya tashabbusi bilan Hizbullohni terror tashkilot deb tan olgandi.

Isroil Suriya, Livan va Gʻarbiy sohil hisobiga oʻz hududini doimiy ravishda kengaytirib borar ekan, arab hukmdorlari uchun gʻoyat xavotirli vaziyat yuzaga kelmoqda. Ular endi nihoyat oʻzlarining boshiga tushishi mumkin boʻlgan falokatni bartaraf etadigan umumiy pozitsiyaga kelishga majbur boʻlmoqda. Hatto oʻzlarining shaxsiy manfaatlari xavf ostida boʻlsa ham, ular yana imkoniyatni boy berishadimi yoki bundan foydalanishadimi, bunisi hali nomaъlum.