Arab va musulmon muhojirlar oʻz yurtlarini tark etar ekan, qalblarida porloq bir orzu bilan Qoʻshma Shtatlar tomon yoʻl olishadi. “Imkoniyatlar yurti”da ular rivojlangan taʻʻlim tizimi, daromadli ish va farovon hayotga erishishni maqsad qilishadi. Ammo xilma-xillik va mulʻtikulturalizm (turli madaniyatlar) mavjud boʻlgan bu oʻlkada muhojirlar islomiy qadriyatlari va odatlari bilan yangi va begona bir hayot tarzi oʻrtasida muvozanat saqlashga majbur boʻlishadi. Aslida haqiqiy sinov shu erdan boshlanadi. Xoʻsh, musulmonlar okean ortida dinini saqlab qola olishadimi yoki integratsiyalashuv ustun keladimi?

AQShning Shimoliy Karolina shtatidagi Apeks shahrida omborxonaga oʻxshash binoda masjid faoliyat koʻrsatmoqda. 2009 yilda ushbu hududda yashovchi yosh musulmonlar saʻʻy-harakatlari bilan ochilgan masjid bugun nafaqat namoz oʻqish joyi, balki koʻplab islomiy xizmatlarni koʻrsatuvchi markaz hamdir. Masjid asoschilaridan biri Xolid Shahu "Al-Jazira" telekanaliga bergan intervʻyusida masjidni yaratish jarayoni, ular duch kelgan qiyinchiliklar va masjid hozirda koʻrsatayotgan xizmatlar soʻzlab berdi.