Umra tadbirlarini tashkil etish va oʻtkazish litsenziyalanadigan faoliyatning alohida turi sifatida belgilandi

Prezident imzolagan yangi qonunga koʻra, endilikda Oʻzbekistonda Umra tadbirlarini tashkil etish va oʻtkazish litsenziyalanadigan faoliyatning alohida turi sifatida belgilandi. Mazkur qonun talablarini bajarmagan tadbirkorlar BHMning 200 baravari, hozirda 68 mln soʻm miqdorida jarimaga tortiladi. Shuningdek, litsenziya olish uchun BHMning 10 baravari (3,4 mln soʻm) miqdoridagi davlat boji ushbu sohadagi vakolatli organ sifatida belgilangan Din ishlari boʻyicha qoʻmitaga toʻlanadi.

Din ishlari boʻyicha qoʻmita mazkur sohadagi litsenziyalovchi vakolatli organ boʻladi. Umra tadbirlarini tashkil etish va oʻtkazish boʻyicha faoliyat uchun litsenziya olish sohasidagi huquqbuzarlik BHMning 200 baravari miqdorida jarima solishga sabab boʻladi.

Oʻzbekiston prezidenti Shavkat Mirziyoev Umra tadbirlarini tashkil etish va oʻtkazish boʻyicha xizmatlar koʻrsatishga doir faoliyat litsenziyalanadigan faoliyatning alohida turi sifatida belgilashni koʻzda tutgan qonunni imzoladi.

“Litsenziyalash, ruxsat berish va xabardor qilish tartib-taomillari toʻgʻrisida”gi qonunga kiritilgan oʻzgartirish va qoʻshimchaga koʻra, Din ishlari boʻyicha qoʻmita mazkur sohadagi litsenziyalovchi vakolatli organ boʻladi.

Shuningdek, Umra tadbirlarini tashkil etish va oʻtkazish boʻyicha faoliyat uchun litsenziya olish sohasidagi huquqbuzarliklar uchun yuridik shaxslarga solinadigan jarimalar miqdorlari BHMning 200 baravari (68 mln soʻm) etib belgilandi.

Bundan tashqari, “Davlat boji toʻgʻrisida”gi qonunga kiritilgan oʻzgartirishga koʻra, Din ishlari boʻyicha qoʻmita tomonidan Umra tadbirlarini tashkil etish va oʻtkazish boʻyicha faoliyatini litsenziyalaganlik uchun toʻlanadigan davlat boji BHMning 10 baravari (3,4 mln soʻm) etib belgilandi.

Qonun rasmiy eʻʻlon qilingan kundan eʻʻtiboran 3 oy oʻtgach kuchga kiradi.