Turkiya AQSh va Britaniya fuqarolari ustidan nazoratni kuchaytirdi

Turkiya razvedkasi mamlakatga tashrif buyurgan AQSh va Britaniya fuqarolari ustidan nazoratni kuchaytirdi. Bunga ushbu davlatlarning ayrim fuqarolari prezidenti Rajab Toyyib Erdoʻgʻon hukumatini beqarorlashtirish maqsadida aygʻoqchi va pudratchi sifatida faoliyat koʻrsatayotgan boʻlishi mumkinligi sabab ekani aytilmoqda.

Turkiya razvedkasi mamlakatga tashrif buyurgan AQSh va Britaniya fuqarolari ustidan nazoratni kuchaytirdi, deya xabar qildi Nordic Monitor Skandinaviya tadqiqotlar va monitoring nodavlat tashkiloti. Bunga ushbu davlatlarning ayrim fuqarolari prezidenti Rajab Toyyib Erdoʻgʻon hukumatini beqarorlashtirish maqsadida aygʻoqchi va pudratchi sifatida faoliyat koʻrsatayotgan boʻlishi mumkinligi sabab ekani aytilmoqda.

Qayd etilishicha, buning uchun MİT turk razvedka xizmati jurnalistlar, tadqiqotchilar, akademiklar va nodavlat-notijorat tashkishlotlar xodimlari orasidan potentsial josuslarni aniqlash uchun maʻʻlumotlarni tahlil qilish algoritmlaridan foydalanilgan maxsus dasturni ishlab chiqqan.

Algoritm turli koʻrsatkichlarni, jumladan, baʻʻzi kasblar, tez-tez tashrif buyuradigan joylar, hamkorlar, xabarlarda ishlatiladigan kalit soʻzlar, Internet-trafik, xatti-harakatlar namunalari va boshqalarni tahlil qiladi.

Bunday chora-tadbirlar deportatsiya qilish va yashash uchun ruxsatnomani uzaytirishni rad etish holatlariga olib kelmoqda. Turkiya rasmiylari mazkur choralarni milliy xavfsizlikni himoya qilish zarurati bilan oqlamoqda, Gʻarb davlatlari esa siyosiy sabablarga koʻra hibsga olishlar va tekshiruvlar oʻtkazilayotganidan xavotir bildirmoqda.

Koʻplab Gʻarb nodavlat tashkilotlari ham Turkiyadagi loyihalari orqali josuslikda va beqarorlikda ayblanib, nazorat ostiga olingan. Ushbu choralar tanqidlarga sabab boʻldi va Gʻarb davlatlarining Turkiyaga sayohat qilishda ehtiyotkor boʻlish haqida ogohlantirishlariga olib keldi.

Mavzuga aloqador

Eng ko‘p o‘qilgan

Tavsiya qilingan

Reklama