Turkiya aholisi «keksalar» boʻlgan mamlakatlar toifasiga kirdi

Turkiya BMT tasnifiga koʻra aholisi “keksa” boʻlgan davlatlar toifasiga kirdi. 2023 yil yakunlari boʻyicha mamlakat aholisining 10 foizdan ziyodi 65 va undan oshganlardan tashkil topdi. Bu koʻrsatkich 2060 yilga borib 22,6 foizga etadi.

2023 yil oxiriga kelib Turkiya BMT tasnifiga koʻra aholisi «keksa» boʻlgan davlatlar toifasiga kirdi, deya xabar qilmoqda Anadolu.

BMT tasnifiga koʻra, qariyalarning umumiy aholisidagi ulushi 10 foizdan ortiq boʻlgan mamlakatlar demografik jihatdan «keksa» hisoblanadi.

BMTning Aholishunoslik jamgʻarmasi maʻʻlumotlariga koʻra, dunyo aholisi tez qarimoqda. Maʻʻlumotlarga koʻra, Evropa dunyodagi oʻrtacha keksalar soni eng koʻp boʻlgan mintaqa boʻlib, ular aholining 19 foizini tashkil qiladi.

Aholisi 85 million kishidan oshgan Turkiyada, butun dunyoda boʻlgani kabi, aholining «qarishi» tendentsiyasi kuzatilmoqda.

Oʻtgan yil oxirigacha Turkiyada 65 yosh va undan katta yoshdagilar ulushi 8 mln 722 ming 806 kishini tashkil qildi.

Mutaxassislarning prognozlariga koʻra, 2030 yilga borib Turkiyada qariyalar ulushi 12,9 foizga, 2040 yilga borib 16,3 foizga, 2060 yilga borib esa mamlakat umumiy aholisining 22,6 foiziga etadi.

Mavzuga aloqador

Eng ko‘p o‘qilgan

Tavsiya qilingan

Reklama