Rossiya harbiylari Termizda harbiy mashgʻulot oʻtkazadi

Rossiya harbiylari “Hamkorlik-2025” oʻquv mashgʻulotlarida ishtirok etish uchun Oʻzbekistonga keldi.

Rossiya Mudofaa vazirligining maъlum qilishicha, oʻquv mashgʻulotlari 15–21 iyulь kunlari “Termiz” poligonida boʻlib oʻtadi. 

Harbiy boʻlinmalar quyidagi jangovar harakatlarni mashq qiladi:

- chegara hududlariga noqonuniy qurolli tuzilmalar (NQT) kirib kelgan taqdirda ularni aniqlash va yoʻq qilish hamda boʻlinmalarni boshqarish;

- NQT guruhlari chegara yaqinidagi inshootlar va pozitsiyalarni egallagan holatda ularni yoʻq qilish boʻyicha qoʻmondonlikni boshqarish;

- boʻlinmalarining dushman egallab olgan inshootlar va pozitsiyalarni qayta egallashi;

- dushmanning kichik guruhlariga qarshi kurash olib borish;

- shuningdek, jangarilar tomonidan bosib olingan aholi punktini shturm qilish va tozalash amaliyotini tashkil etish.

Rossiya harbiy kontingentining asosiy qismini Markaziy harbiy okrugning 201-harbiy bazasi boʻlinmalari tashkil etadi. Tojikistonda joylashgan 201-harbiy baza Rossiyaning oʻz hududidan tashqaridagi eng yirik harbiy obъekti hisoblanadi.