Qozogʻistonda "Markaziy Osiyo - Germaniya" sammiti boʻlib oʻtmoqda
Ostona shahrida "Markaziy Osiyo - Germaniya" sammiti boʻlib oʻtmoqda. Oʻzbekiston prezidenti Shavkat Mirziyoev unda ishtirok etish uchun Qozogʻistonga joʻnab ketdi.
Oʻzbekiston
prezidenti Shavkat Mirziyoev Qozogʻiston prezidenti Qasim-Jomart Toqaevning
taklifiga binoan 17 sentyabrʻ kuni tongda ikkinchi "Markaziy Osiyo -
Germaniya" sammitida ishtirok etish uchun Ostona shahriga joʻnab ketdi. Bu haqda
davlat rahbari matbuot xizmati xabar qildi.
Qayd
etilishicha, sammitda mintaqa mamlakatlarining Germaniya bilan koʻp qirrali
hamkorligini yanada rivojlantirish va chuqurlashtirish masalalari muhokama qilinadi.
Savdo-iqtisodiyot,
investitsiya, texnologiyalar, transport-kommunikatsiya va boshqa ustuvor yoʻnalishlarda
amaliy hamkorlikni kengaytirishga alohida eʻʻtibor qaratiladi. Shuningdek,
Germaniyaning etakchi kompaniya va banklari rahbarlari bilan qoʻshma uchrashuv oʻtkazish
rejalashtirilgan.
«Markaziy
Osiyo — Germaniya» formatidagi birinchi sammit oʻtgan yilning 29 sentyabrʻ kuni
Berlin shahrida oʻtkazilgan edi.
