Qozogʻiston-Oʻzbekiston chegarasida bojsiz maxsus savdo zonasi tashkil etilishi mumkin

Qozogʻiston-Oʻzbekiston chegarasida boj olinmaydigan maxsus savdo zonasi tashkil etilishi mumkin. Samarqandda boʻlib oʻtgan hududlararo forumda Mangʻistau viloyati hokimi ushbu taklifni ilgari surdi. Shuningdek, Mangʻistau va Oʻzbekistonni bogʻlaydigan avtomobilʻ yoʻli qurilayotgani maʻʻlum qilindi.

22 oktyabrʻ kuni Samarqandda oʻtgan Qozogʻiston va Oʻzbekiston hukumatlarining qoʻshma hududlararo forumida Mangʻistau viloyati hokimi Nurdaulet Qilibay Mangʻistau viloyati va Oʻzbekiston oʻrtasidagi savdo-iqtisodiy aloqalarni kengaytirish boʻyicha qator takliflar bilan chiqdi. Bu haqda Gazeta.uz Mangʻistau hokimligi matbuot xizmatiga tayanib xabar qildi.

Qayd etilishicha, Mangʻistau va Oʻzbekistonni bogʻlaydigan avtomobilʻ yoʻli qurilmoqda. Avtomobilʻ qatnovi Qozogʻiston hududidagi «Tajen» bojxona postigacha amalga oshiriladi. Yaqinda Qoraqalpogʻiston markazidan mamlakat chegarasigacha boʻlgan yangi avtomobilʻ yoʻli foydalanishga topshirildi. Bu kelajakda Mangʻistau viloyati va Oʻzbekiston oʻrtasidagi tovar ayirboshlash hajmini oshirish imkonini berishi qayd etildi.

Nurdavlet Qilibayning soʻzlariga koʻra, mintaqaning ulgurji bozorlaridagi oziq-ovqat mahsulotlari, sabzavot, meva va quruq mevalarning katta qismi Oʻzbekistonning Buxoro, Samarqand, Nukus va Sirdaryo dalalaridan keltiriladi. «Tajen» bojxona posti orqali kuniga 250−300 ga yaqin fura oʻtadi, shundan oʻrtacha 25−30 fura Mangʻistau viloyatiga joʻnatiladi. Bu qariyb 11 ming tonna mahsulot degani.

«Delegatsiyamiz tarkibida mamlakatning eng yirik ulgurji tarqatish markazlaridan biri boʻlgan „ORTs Aktau“ MChJ taʻʻsischisi ishtirok etmoqda. Ayni paytda ular zarur savdo maydonini taqdim etishga toʻliq tayyor va Oʻzbekiston tadbirkorlarining aniq qadamlarini kutmoqda. U erda „Oʻzbekistonda ishlab chiqarilgan“ savdo maydonchasini ochib, qishloq xoʻjaligi yarmarkalarini tashkil etishni istardik», — dedi Nurdavlet Qilibay.

Shuningdek, hududlararo forumda Mangʻistau viloyati hokimi ikki mamlakat oʻrtasidagi savdo aloqalarini yanada kengaytirish maqsadida chegaradosh hududda «Xorgos» nomli boj olinmaydigan maxsus savdo zonasini tashkil etish taklifini bildirdi. Savdo-iqtisodiy zonaning ochilishi Mangʻistau viloyati va Oʻzbekiston oʻrtasidagi tovar ayirboshlash hajmini 4 barobar oshirish imkonini berishi koʻrsatib oʻtildi.

Bundan tashqari, uchrashuvda turizm va qishloq xoʻjaligi sohalaridagi hamkorlik muhokama qilindi. Misol uchun, Oʻzbekiston turoperatorlari uchun Mangʻistau viloyatining tarixiy, madaniy va turistik joylariga tashrif buyurishni oʻz ichiga olgan turpaketlar ishlab chiqilgani va 2025 yildan boshlab oʻz faoliyatini boshlashga tayyor ekani taʻʻkidlandi.

Uchrashuv yakunida Mangʻistau viloyati hokimligi bilan Qoraqalpogʻiston Respublikasi, Beyneu va Xoʻjayli tumanlari oʻrtasida hamkorlik toʻgʻrisida bitim imzolandi.

Maʻʻlumot uchun, Mangʻistau viloyatida Oʻzbekiston ishtirokida 140 ta korxona roʻyxatga olingan. 2023 yil yakunlariga koʻra, hududning Oʻzbekiston bilan tashqi savdo aylanmasi 13,2 million dollarni tashkil etdi. Oʻzbekistondan importning umumiy tovar aylanmasidagi ulushi qariyb 25 foizni tashkil etadi.

Mavzuga aloqador

Eng ko‘p o‘qilgan

Tavsiya qilingan