Termizda yaqinda ochilgan xalqaro savdo markaziga minglab afgʻonlar kelmoqda
Yaqinda Oʻzbekiston-Afgʻoniston chegarasida ochilgan «Termiz» xalqaro savdo markaziga qoʻshni Afgʻonistondan minglab xaridorlar savdo qilish tashrif buyurmoqda. Qayd etilishicha, peshtaxtalar boʻshab qolmoqda. Markazga afgʻonistonliklar maxsus yoʻlak orqali kirish vizasisiz tashrif buyurishlari mumkin.
Yaqinda Oʻzbekiston-Afgʻoniston chegarasida ochilgan «Termiz»
xalqaro savdo markaziga qoʻshni Afgʻonistondan minglab xaridorlar savdo qilish tashrif buyurmoqda, deya xabar berdi Podrobno.uz.
Qayd etilishicha,
ushbu markazda savdo soddalashtirilgan tartibda amalga oshiriladi: afgʻonlar savdo
markaziga borib, kerakli mahsulotlarni sotib olishadi va oʻz mamlakatlariga qaytishadi.
Faol
Rasul Kusherbaevning qayd etishicha, vitrinalar boʻshab qolmoqda va bu Oʻzbekiston
uchun manfaatli qaror.
Ilova
qilingan videolardan birida savdo maydonchasidagi holat bilan tanishtirayotgan
erkak Oʻzbekiston tadbirkorlarini oʻz tovarlarini markazga olib kelishga
undamoqda, chunki haqiqatan ham xaridorlarda katta qiziqish uygʻotmoqda.
Iqlimshunos
Erkin Abdulaxatov ham markazning ochilishini toʻgʻri islohot, deb atadi. Uning
soʻzlariga koʻra, bunday quruqlik yoʻlagining mavjudligi oziq-ovqat xavfsizligini
barqarorlashtirish nuqtai nazaridan har ikki davlat uchun juda muhim.
“Iqlim oʻzgarishi fonida yuzaga kelgan Tinch okeanidagi El-Ninʻo va La-Ninʻo kabi hodisalar Markaziy Osiyo va Janubiy Osiyo mamlakatlarida ikki turli xil iqlimiy vaziyatni
yuzaga keltiradi. Agarda bizda qishloq xoʻjaligida yaxshi yil boʻlsa, ularda – yomon.
Va teskarisi”, - dedi u.
Iqlimshunoslar bu tendentsiya kelgusi yillarda ham davom
etishidan ogohlantirmoqda. Binobarin, agrar sohaga masʻʻul tuzilmalar ana shu
omilni hisobga olib, shunga muvofiq harakat qilishi kerak. Mutaxassisning
fikricha, Afgʻoniston bilan yaqin kelajakda qishloq xoʻjaligi mahsulotlarini
ayirboshlash chora-tadbirlarini muhokama qilish qadamlardan biri boʻlishi mumkin.
Eslatib oʻtamiz, savdo markazi joriy yilning avgust oyi
oxirida ochilgan edi. Ochilish marosimida nafaqat Oʻzbekiston va Afgʻoniston, balki
Qozogʻiston va Qirgʻizistondan ham yuqori martabali rasmiylar ishtirok etdi. Uni
qurish rejalari 2021 yildan beri muhokama qilinayotgan edi.
Shavkat Mirziyoev topshirigʻiga asosan bu erda erkin savdo
zonasi faoliyat koʻrsatmoqda. Xorijiy fuqarolar Oʻzbekistonga kirish vizasisiz
Termiz xalqaro savdo markazi hududidagi maxsus yoʻlak orqali kirishlari mumkin
boʻladi.