26.08.2025 14:30
128

Oʻzbekistonliklar Iordaniyaga vizasiz borishi mumkin boʻladi

Endi oʻzbekistonliklar Iordaniyaga vizasiz borishi mumkin

Oldinroq, Oʻzbekiston prezidenti Shavkat Mirziyoevning taklifiga binoan Iordaniya podshohi Abdulla II ibn al-Husayn davlat tashrifi bilan Samarqandga kelgani xabar qilingandi. Mazkur tashrif davomida tomonlar qator bitimlar va oʻzaro anglashuv memorandumlarini imzoladi. 

Iordaniya podshohi matbuot xizmatining xabar berishicha, Oʻzbekiston hukumati va Iordaniya hukumati oʻrtasida Ikki tomonlama hamkorlik boʻyicha hukumatlararo qoʻshma komissiya tuzish toʻgʻrisida bitim, oliy taъlim va ilmiy tadqiqot sohasida hamkorlik toʻgʻrisida bitim va turizm sohasida hamkorlik toʻgʻrisida bitim imzolangan.

Shuningdek, tomonlar oʻzaro ravishda kirish vizasi talabidan ozod qilish toʻgʻrisida kelishuvga erishgan hamda investitsiyalarni oʻzaro ragʻbatlantirish va himoya qilish toʻgʻrisida bitim tuzilgan.

Bundan tashqari, Iordaniya Vaqf va islomiy ishlar vazirligi hamda Oʻzbekiston musulmonlari idorasi oʻrtasida oʻzaro anglashuv memorandumi, Iordaniya Vaqflar va islomiy ishlar vazirligi hamda Oʻzbekiston Din ishlari qoʻmitasi oʻrtasida oʻzaro anglashuv memorandumi imzolangan.

Mavzuga aloqador