Oʻzbekistonda pulli yoʻllar qurilishi muddatlari maʻʻlum boʻldi
Oʻzbekiston prezidenti Shavkat Mirziyoev Toshkent-Samarqand pulli yoʻlini qurishni boshlash koʻzda tutilgan qarorni imzoladi. Hujjatga koʻra, sentyabrda tender oʻtkazilib, ishlar dekabrda boshlanishi kerak. Loyihani 2028 yilda yakunlash hamda xususiy-davlat sheriklik asosida boshqaruvni xususiy operatorga topshirish rejalashtirilmoqda. Toshkent-Andijon, Samarqand-Buxoro pulli yoʻllari, “Taxtaqoracha” dovonida tunnel qurish ham rejalashtirilgan.
Oʻzbekiston
prezidenti Shavkat Mirziyoev 30 avgust kuni Toshkent-Samarqand pulli yoʻlini qurishni
boshlash koʻzda tutilgan qarorni imzoladi. Hujjatga koʻra, joriy yilning sentyabrʻ
oyida Toshkent-Samarqand pulli yoʻlini qurish boʻyicha eng yaxshi takliflarni tanlab
olish boʻyicha tender eʻʻlon qilinadi.
Dekabrʻ
oyida esa pudratchi aniqlanib, u bilan shartnoma tuziladi va qurilish boshlanadi.
Ishlarni 2028 yil oxirigacha yakunlash, keyin esa boshqaruvni davlat-xususiy
sheriklik asosida xususiy operatorga oʻtkazish koʻzda tutilgan. Loyihaning dastlabki
qiymati 2,2 milliard dollarni tashkil etadi.
Shuningdek, Jahon banki koʻmagida 303 km uzunlikdagi
Toshkent-Andijon pulli yoʻlini qurish rejalashtirilgan. May oyida Toshkent xalqaro
investitsiya forumida transport vaziri oʻrinbosari Jasurbek Choriev Toshkent-Andijon
yoʻnalishidagi pulli avtomobilʻ yoʻlining narxi 4,65 milliard dollariga
baholanayotganini maʻʻlum qilgandi.
Qarorda oktyabrʻ
oyida loyiha kontseptsiyasini ishlab chiqish va tasdiqlash, 2025 yil mart oyida
tenderning birinchi bosqichini oʻtkazish, oktyabrʻ oyida tenderning ikkinchi
bosqichini oʻtkazish, 2026 yil aprelʻ oyida gʻolibni eʻʻlon qilish va u bilan DXSh
shartnomasini tuzish belgilangan.
Transport sohasidagi loyihalar orasida 2027−2030 yillarda
Samarqand va Buxoro oʻrtasida 1 milliard dollarlik pulli yoʻl qurilishi ham bor.
Bundan tashqari, «Taxtaqoracha» dovonida pulli tunnelʻ
qurilishi belgilangan.
Yil yakuniga qadar salohiyatli strategik kompaniyalar bilan muzokaralar olib
borish, 2025 yil avgustiga qadar loyiha kontseptsiyasini tasdiqlash, 2026 yil
fevraliga qadar xususiy sherikni tanlash, 2026 yil dekabriga qadar DXSh
shartnomasini imzolash topshirildi.
Loyihaning qiymati 100 million dollarga baholanmoqda. Uning
uzunligi, avval xabar qilinganidek, 4,4 km boʻlishi kerak. Oʻtgan yilning oktyabrʻ
oyida prezident Shavkat Mirziyoev tunnelʻ qurilishi 2024 yilda boshlanishini aytgan
edi.
Mavzuga aloqador
-
Oʻzbekiston Respublikasi prezidenti Shavkat Mirziyoev Anqara shahriga rasmiy tashrif doirasida “Turkish Aerospace Industries Inc.” kompaniyasi faoliyati bilan tanishdi.
-
Isroil prezidenti Isaak Gertsog Xalqaro jinoiy sud (XJS) bosh prokurori Karim Xonning Isroil bosh vaziri Binyamin Netanyaxu va Mudofaa vaziri Yoav Gallantni hibsga olishga order berilgani haqidagi bayonotiga javob berdi. Gertsog Netanyaxu va Gallantga qarshi hibsga olish orderi eʻʻlon qilinishi "bir tomonlama siyosiy harakat" ekanligini aytdi.
