Oʻzbekiston TIV rahbari “Tolibon” bilan muzokaralar oʻtkazdi

Oʻzbekiston TIV rahbari Baxtiyor Saidov vazir etib tayinlanganidan buyon ilk bor Afgʻonistonga tashrif buyurib, “Tolibon” harakatining bir qancha yuqori martabali amaldorlari bilan muzokaralar oʻtkazdi. Tomonlar hamkorlikning keng koʻlamli masalalari, jumladan, iqtisodiy aloqalarni faollashtirish masalalarini koʻrib chiqdi.

Tashqi ishlar vaziri Baxtiyor Saidov 12−13 mart kunlari Kobulga tashrif buyurib, Afgʻoniston muvaqqat hukumatining yuqori martabali vakillari bilan ikki tomonlama hamkorlikning keng koʻlamli masalalari, jumladan, iqtisodiy aloqalarni faollashtirish masalalarini muhokama qildi. Bu haqda vazirning Telegram kanalida xabar berildi.

Baxtiyor Saidovning TIV rahbari sifatida Afgʻonistonga ilk tashrifida unga Oʻzbekiston hukumati va xususiy sektori vakillari hamrohlik qildi.

Vazir Afgʻoniston muvaqqat hukumatining bir qator mansabdor shaxslari — bosh vazir v. b. Mulla Muhammad Hasan Oxund, bosh vazir oʻrinbosari v. b. Mavlaviy Abdul Salom Hanafiy, bosh vazirning iqtisodiy masalalar boʻyicha oʻrinbosari v. b. Mulla Abdul Gʻani Barodar, tashqi ishlar vaziri v. b. Mavlaviy Amir Xon Muttaqiy, ichki ishlar vaziri v.b. Xalifa Sirojiddin Haqqoniy, savdo va sanoat vaziri v. b. Nuriddin Aziziy bilan uchrashuvlar oʻtkazdi.

“Muzokaralar chogʻida oʻzaro hamkorlikning keng koʻlamli masalalarini muhokama qildik. Iqtisodiy aloqalarni mustahkamlash, ishbilarmon doiralar oʻrtasidagi munosabatlarni yaxshilash uchun eng qulay shart-sharoitlarni yaratishga alohida eʻʻtibor qaratdik”, - deyiladi xabarda.

«Bizni boy va mushtarak tariximiz, umumiy anʻʻanalarimiz va kelajagimiz birlashtiradi. Birgalikda amalga oshirishimiz mumkin boʻlgan koʻplab imkoniyatlar mavjud», — deya taʻʻkidladi Baxtiyor Saidov.

Mulla Abdul Gʻani Barodar matbuot xizmatining yozishicha, u “Afgʻoniston Islom Amirligining iqtisodiy yoʻnaltirilgan tashqi siyosat yuritish istagini taʻʻkidlab, mintaqaviy aloqalarga alohida eʻʻtibor qaratdi. Bu maqsadga erishish uchun mintaqaviy hamkorlik, ayniqsa, Oʻzbekiston bilan hamkorlik qilish zarurligini taʻʻkidladi”.

Mulla Barodar Afgʻoniston va Oʻzbekiston orqali tranzit tashish darajasini oshirish, savdo aloqalarini rivojlantirish, temir yoʻl tarmogʻini kengaytirish, Afgʻonistonga sarmoya kiritish, transport va bojxona muammolarini hal etish, Oʻzbekistonda istiqomat qilayotgan afgʻonlarni qoʻllab-quvvatlash zarurligini taʻʻkidladi.

Shuningdek, u yoshlarga oliy taʻʻlim olish imkoniyatini yaratish boʻyicha birgalikdagi saʻʻy-harakatlarni alohida qayd etdi.

Mulla Abdul Gʻani Baradar Oxund suv xoʻjaligi va qishloq xoʻjaligini rivojlantirish masalalarini muhokama qilar ekan, Afgʻoniston shimolidagi Qoʻshtepa kanali haqida gapirib oʻtdi.

“Bu afgʻon xalqining azaliy orzusi boʻlib, u uzoq davom etgan mojarolar va beqarorlik bu orzuning roʻyobga chiqishiga toʻsqinlik qilmoqda. U Amudaryo havzasidagi boshqa mamlakatlarda boʻlgani kabi, daryodan ham adolatli foydalanish tarafdori ekani, Islom amirligi tiklanishi bilan kanalda taraqqiyot boshlangani, qoʻshni davlatlarni xavotirga solmagan holda afgʻonlarning huquqlari taʻʻminlanganini taʻʻkidladi”, - deyiladi xabarda.

Qayd etilishicha, Oʻzbekiston tashqi ishlar vaziri Baxtiyor Saidov mamlakat Afgʻoniston bilan siyosiy va iqtisodiy aloqalarni mustahkamlash tarafdori ekanini tasdiqlagan. U Oʻzbekistonga kanal va zamonaviy sugʻorish tizimlarini qurish loyihasi boʻyicha texnik yordam koʻrsatishni taklif qildi, deyiladi xabarda.

Afgʻoniston TIV matbuot xizmati, shuningdek, vazirlar muzokaralarda savdo va tranzit masalalari, jumladan, iqtisodiy hamkorlikni kengaytirish maqsadida ishbilarmonlar va transport xodimlariga vizalar berishni soddalashtirish masalalariga ham toʻxtalganini bildirdi.

Mavlaviy Amir Xon Muttaqiy Oʻzbekistondan import qilinadigan elektr energiyasi taqchilligi masalasini koʻtarib, qishda bu oddiy aholiga ham, iqtisodiyot tarmoqlariga ham taʻʻsir qilishini taʻʻkidladi.

Baxtiyor Saidov Oʻzbekiston doimo Afgʻonistonni qoʻllab-quvvatlab kelganini aytib, uni Markaziy Osiyo va xalqaro hamjamiyatning bir qismi sifatida koʻrishga chaqirdi.

Shuningdek, Afgʻonistonda tsement ishlab chiqarish, koʻmir qazib olish va koʻmir asosida elektr energiyasi ishlab chiqarish sohalariga sarmoya kiritishga qiziqish borligini taʻʻkidladi.