Ozarbayjon Armaniston tomonidan oʻrnatilgan 158 mingdan ortiq minalarni zararsizlantirdi

Ozarbayjon ishgʻoldan ozod qilingan hududlarda Armaniston armiyasi tomonidan joylashtirilgan 158 mingdan ortiq mina va portlamagan oʻq-dorilarni tozaladi. Urush tugaganidan beri ishgʻol paytida arman kuchlari tomonidan oʻrnatilgan mina portlashlari natijasida 70 nafar Ozarbayjon fuqarosi halok boʻldi, 309 nafari yaralandi.

Ozarbayjon ishgʻoldan ozod qilingan hududlarda Armaniston armiyasi tomonidan joylashtirilgan 158 mingdan ortiq mina va portlamagan oʻq-dorilarni tozaladi.

Armaniston ishgʻolidan ozod qilingan Qorabogʻ viloyati va uning atrofidagi hududlarda minalardan tozalash ishlari davom etmoqda. Taxminlarga koʻra, arman tomoni ozod qilingan hududlarga yuz minglab mina oʻrnatgan.

Minalarni tozalash ishlari Ozarbayjon Qurolli kuchlarining muhandislik boʻlinmalari bilan birgalikda Ozarbayjon minalarga qarshi agentligi (ANAMA) tomonidan amalga oshirilmoqda. Bu jarayonga Favqulodda vaziyatlar vazirligi, Chegara xizmati va qator xususiy korxonalar ham oʻz hissasini qoʻshmoqda.

«Anadolu» Qorabogʻ va uning atrofidagi hududlarda olib borilgan minalardan tozalash ishlari, shuningdek, mina portlashlari qurbonlari haqidagi maʻʻlumotlarni toʻpladi. Unga koʻra, 2020 yil 10 noyabrda Ikkinchi Qorabogʻ urushi tugaganidan beri 162 ming gektar maydon tozalandi.

Tozalangan hududlarda 104 mingdan ortiq portlamagan oʻq-dorilar, 33 mingdan ortiq piyodalarga qarshi minalar va 20 mingdan ortiq tankga qarshi minalar aniqlangan. Hammasi boʻlib 158 mingdan ortiq mina va portlamagan oʻq-dorilar zararsizlantirildi.

Urush tugaganidan beri ishgʻol paytida arman kuchlari tomonidan oʻrnatilgan mina portlashlari natijasida 70 nafar Ozarbayjon fuqarosi halok boʻldi, 309 nafari yaralandi.