Mirziyoev va Putin Moskvada uchrashdi

Kecha, 9 may kuni Moskva shahridagi tadbirlar doirasida Oʻzbekiston prezidenti Shavkat Mirziyoev va Rossiya prezidenti Vladimir Putinning uchrashuvi boʻlib oʻtdi.

Mirziyoev va Putin suhbat avvalida Gʻalabaning 80 yilligi munosabati bilan bir-birini qutlagan.

Prezident matbuot xizmatining yozishicha, uchrashuvda Oʻzbekiston-Rossiya ittifoqchilik munosabatlarini yanada mustahkamlash hamda Putinning oʻtgan yilgi Oʻzbekistonga tashrifi davomida erishilgan kelishuvlarni amalga oshirish masalalari koʻrilgan.

Savdo-iqtisodiy va investitsiyaviy hamkorlik surъatini saqlab qolishga qaratilgan muvofiqlashtirilgan chora-tadbirlarni qabul qilish muhim ekani taъkidlangan.

Ayniqsa, gumanitar almashinuvlar, eng avvalo, madaniyat, sanъat, fan va taъlim sohalarida samarali boʻlayotgani katta mamnuniyat bilan qayd etilgan.