Mirziyoev rus generalining oʻlimi munosabati bilan Putinga hamdardlik bildirdi

Oʻzbekiston prezidenti Shavkat Mirziyoev telefon orqali muloqotda Rossiya prezidenti Vladimir Putinga RF generaliga ushtirilgan suiqasd munosabati bilan hamdardlik bildirib, teraktni keskin qoraladi.

Oʻzbekiston prezidenti Shavkat Mirziyoev Rossiya prezidenti Vladimir Putin bilan telefon orqali muloqot qildi. Bu haqda Kreml matbuot xizmati xabar qildi.

Qayd etilishicha, prezidentlar Rossiya va Oʻzbekiston maxsus xizmatlari oʻrtasida terrorizmga qarshi kurashda yaqin hamkorlikni davom ettirishga kelishib olishgan.

Mirziyoev, shuningdek, Rossiya Qurolli kuchlari kimyoviy mudofaa qoʻshinlari boshligʻi Igor Kirillovning vafoti munosabati bilan hamdardlik bildirdi.

Mirziyoev general Kirillovning oʻlimiga sabab boʻlgan teraktni keskin qoraladi, deya xabar bermoqda Kreml.

TASS maʻʻlumotlariga koʻra, ayni paytda FSB va Oʻzbekiston maxsus xizmatlari general Kirillovning oʻldirilishidagi sheriklarni aniqlash choralarini koʻrmoqda.

Oʻzbekiston maxsus xizmatlari tergovga har tomonlama yordam bermoqda.