Markaziy Osiyo razvedka xizmatlari rahbarlari Fargʻonada uchrashdi

gʻgʻgʻgʻgʻgʻgʻgʻgʻgʻgʻgʻgʻgʻgʻgʻgʻgʻgʻgʻgʻgʻgʻgʻgʻgʻgʻgʻgʻgʻgʻgʻgʻgʻgʻgʻgʻgʻgʻgʻgʻgʻgʻ

6 may kuni Fargʻonada Qirgʻiziston Milliy xavfsizlik davlat qoʻmitasi raisi Qamchibek Tashiyev, Tojikiston Milliy xavfsizlik davlat qoʻmitasi raisi Saymoʻmin Yatimov va Oʻzbekiston Davlat xavfsizlik xizmati raisi Abdusalom Azizov oʻrtasida uchrashuv boʻlib oʻtdi. 

Qirgʻiziston Milliy xavfsizlik davlat qoʻmitasi matbuot xizmati xabariga koʻra, tomonlar oʻzaro hamkorlikning dolzarb masalalarini, jumladan, terrorizm, ekstremizm, narkotik moddalarning noqonuniy aylanishi, noqonuniy migratsiya va kontrabanda, shuningdek, boshqa transchegaraviy tahdid va tahdidlarga qarshi kurashni muhokama qilgan.

Shuningdek, transchegaraviy hamkorlik va mamlakatlar oʻrtasida yaxshi qoʻshnichilik munosabatlarini rivojlantirish uchun qulay sharoitlar yaratish boʻyicha umumiy saʻʻy-harakatlar masalalari  koʻrib chiqildi.

Bundan tashqari, uchrashuvda Qirgʻiziston va Tojikiston oʻrtasidagi davlat chegaralarini delimitatsiya qilish, Oʻzbekiston va Qirgʻiziston oʻrtasidagi chegarani belgilash masalalari muhokama qilindi.

“Uchrashuv ishtirokchilari qirgʻiz-tojik chegaralarini delimitatsiya qilish va oʻzbek-qirgʻiz davlat chegaralarini demarkatsiya qilish jarayonlarini jadallashtirish boʻyicha kelishuvlarga erishdilar hamda tomonlarning oʻzaro manfaatlaridan kelib chiqqan holda ushbu masalalarni hal etish boʻyicha amaliy chora-tadbirlar belgilab olindi”, deyiladi xabarda.

Qirgʻiziston va Tojikiston oʻrtasidagi qariyb 972 km chegaraning 889 km uchastka boʻyicha kelishuvga erishilgan boʻlib, bu umumiy chegara uzunligining qariyb 90 foizini tashkil etadi. Hozirda hukumatlararo delegatsiyalar qolgan 83 km.ni tasdiqlash masalasini koʻrib chiqishmoqda.

Mavzuga aloqador

Eng ko‘p o‘qilgan

Tavsiya qilingan

Reklama