Marin Le Pen Imomoʻgʻliga hasad qilmoqda

Akrom Imomoʻgʻli korruptsiya, pora va talon-toroj qilish ayblovlari bilan hibsda. Ammo unga siyosiy jabrdiyda sifatida qaralmoqda. Eng kamida oʻz tarafdorlarining koʻz oʻngida qahramonga aylanib ulgurgan. Marin Le Penga esa bunday omad kulib boqmadi. Korruptsiya boʻyicha jazosi tasdiqlangan siyosatchi sifatida uning siyosiy kelajagi xavf ostida. Shu boisdan Marin Le Penning Akrom Imomoʻgʻlini hasad bilan kuzatayotgani aniq. “Bunday paytda Turkiyada boʻlish kerak edi”, deb ichidan oʻtkazayotganiga shubham yoʻq. Jurnalist Abdulqodir Selvi maqolasidan.

 

Akrom Imomoʻgʻli bilan frantsuz siyosatchisi Marin Le Penning siyosiy taqdiri qiziq nuqtada kesishdi. Marin Le Pen uzoq muddat davom etgan korruptsiya ishi boʻyicha aybdor deb topildi. U kelgusi prezidentlik saylovida qatnasholmaydi.

Akrom Imomoʻgʻli esa JHPdan prezidentlikka nomzod sifatida eъlon qilindi, biroq u ayni paytda korruptsiya ishi tufayli hibsda. Agar sud uni aybdor deb topsa, prezidentlikka nomzod boʻlolmaydi. Shuningdek, Imomoʻgʻlining diplomi ham bekor qilindi. Agar bu qaror sud tomonidan bekor qilinmasa, Imomoʻgʻli prezidentlikka nomzodlikka ariza topshirolmaydi.

FAVORIT DEB KOʻRILAYoTGANDI

Marin Le Pen – kuchayib kelayotgan oʻng qanot radikal kuchlar etakchisi. U Makron bilan boʻlib oʻtgan soʻnggi prezidentlik saylovining ikkinchi bosqichida kichik farqda yutqazgandi. 2027 yilda prezident boʻlishi deyarli aniq deb qaralayotgandi. Ammo korruptsiyada aybdor deb topilgani bois ham qamoq jazosiga hukm qilindi, ham siyosiy taqiqqa uchradi. Bu holatda uning kelgusi saylovlarda asosiy nomzod sifatida koʻrilishini bir chetga suring, balki nomzod ham boʻlolmaydi.

KAMPANIYaLARI FARQLI

Imomoʻgʻli va Marin Le Penning siyosiy taqdirlarida bir-biri bilan kesishmagan nuqta esa ular toʻgʻrisida yuritilayotgan kampaniyalarda koʻzga tashlanadi.

Akrom Imomoʻgʻli Istanbul shahar hokimligidagi ayrim pulli ishlar tufayli korruptsiya, pora va talon-toroj qilish ayblovlari bilan hibsda. Ammo unga siyosiy jabrdiyda sifatida qaralmoqda. Eng kamida oʻz tarafdorlarining koʻz oʻngida qahramonga aylanib ulgurgan.

Marin Le Pen esa bunday omad kulib boqmadi. Korruptsiya boʻyicha jazosi tasdiqlangan siyosatchi sifatida uning siyosiy kelajagi xavf ostida. Chunki Frantsiyada sobiq prezidentlar Jak Shirak va Nikolas Sarkozi ham korruptsiya tufayli qamoq jazosiga hukm qilingani uchun siyosiy hayotlari tugagandi. Shu boisdan Marin Le Penning Akrom Imomoʻgʻlini hasad bilan kuzatayotgani aniq. “Bunday paytda Turkiyada boʻlish kerak edi”, deb ichidan oʻtkazayotganiga shubham yoʻq.

QAHRAMON BOʻLDI

Bizda yillar davomida “Korruptsiya va pora ayblovlari tufayli Yaponiyada siyosatchilar xarakiri qiladi, Evropada esa isteъfo beradi” deyishardi. Ammo gap Akrom Imomoʻgʻliga kelganda, uni qahramon sifatida koʻtarishdi.

Marin Le Pen korruptsiya ishi tufayli aybdor deb topilib, prezidentlikka nomzod boʻlishi taqiqlangach, frantsuzlarning ahvoliga achinib ketdim. Bizlar boʻlganimizda edi, Eyfel manorasi oldida namoyish oʻtkazishga chaqirib, tashkilotlarni koʻchaga chorlar, politsiyaga kislota otib, bolta koʻtarib chiqar, Marin Le Penni qahramonga aylantirgan boʻlardik.

Frantsiyada ham “sariq jiletlilar” bor, ammo yo ularning Akrom Imomoʻgʻlisi yoʻq yoki ularga Oʻzgur Oʻzel etishmayapti.

BU FRANTsIYaDA BIRINChI MARTA BOʻLAYoTGAN HODISA EMAS

SARKOZI IShI

Turk xalqiga yaxshi tanish boʻlgan magʻrur frantsuz prezidentlaridan Nikolas Sarkozi pora ayblovlari bilan qiyin ahvolga tushib qolgan. Uning partiyasiga nisbatan olib borilgan moliyaviy tergovda maъlumotni oshkor qilgani uchun sudьyaga pora taklif qilish ayblovi bilan qamoq jazosiga hukm etilgan.

Sarkozi 2007 yilgi saylov kampaniyasida Liviya etakchisi Muammar Qaddofiydan pul olgani iddao qilingan ish boʻyicha ham sudlanmoqda va unga 10 yillik qamoq jazosi talab qilinmoqda.

ShIRAK HAM QAMOQQA HUKM QILINGANDI

Jak Shirak Frantsiyaning eng mashhur va eng uzoq muddat prezidentlik qilgan shaxslaridan biri edi. Parij shahar hokimi boʻlgan davrida partiyasi aъzolariga ishlamasalar ham maosh tayinlagani uchun aybdor deb topilgan. 79 yoshida qamoq jazosiga hukm qilingan Shirak bu qarorni xotirjamlik bilan qabul qilgan.

IMOMOʻGʻLI IShI

Aybsizlik prezumptsiyasi asosiy tamoyildir. Akrom Imomoʻgʻli va uning atrofidagi korruptsiya, pora va talon-toroj qilish ayblovi bilan sudlanayotgan shaxslar boʻyicha sud qarori kutilish kerak. Biroq 560 milliard liralik yirik korruptsiya va pora ayblovi qoʻyilgan, pul manbalari bilan bogʻliq gumon qilingan, 25 ta guvoh ularga qarshi koʻrsatma bergan holatda Imomoʻgʻlining qahramon qilib koʻrsatilishi ajablanarlidir.

MARIN LE PEN HODISASI

Frantsuzlarning aqli yoʻqmi yoki bizda bir gʻalatilik bormi?

Marin Le Pen oʻtgan prezidentlik saylovida kichik farq bilan yutqazgandi. 2027 yilda esa asosiy nomzod deb qaralayotgandi. Ammo u bir necha yil oldin boshlangan korruptsiya surishtiruvi doirasida Evropa Ittifoqi fondlarini talon-toroj qilishda aybdor deb topildi va qamoq jazosiga hukm qilindi. Shu sababli kelgusi prezidentlik saylovida qatnashish imkoniyati yoʻq.

Ammo hech kim “Marin Le Pendan qoʻrqishdi, uning prezident boʻlishini toʻxtatish uchun bunday ish qilishdi” demayapti.

Frantsuzlar buning uchun koʻchalarga chiqmayapti, Marin Le Pen ham “Mening nomzodligimni toʻxtatishmoqda, barchangizni koʻchalarga chaqiryapman” demayapti.

IKKI KUChLI ETAKChI

Ikki Germaniyani birlashtirib, jahon siyosatida iz qoldirgan Helmut Kolь va Frantsiyaning kuchli prezidentlaridan Jak Shirak korruptsiya ayblovlari tufayli siyosiy faoliyatini soya ostida yakunlashgan.

Evropa prezidentlari va bosh vazirlarining ayrimlari hali sudlanmasdan, faqat korruptsiyaga doir gumonlar tufayli isteъfo berishgan.

Qahramondan oʻgʻri chiqishi mumkin, lekin oʻgʻridan qahramon yasashmaydi.

Abdulqodir Selvi, Turkiyaning “Hurriyat” nashri jurnalisti