Litva markaziy osiyolik muhojirlar soni ortayotganidan xavotirda

Oxirgi uch yil ichida Litvaga kelayotgan markaziy osiyolik muhojirlar soni 14 barobar oshdi. Litva Davlat xavfsizlik departamenti rahbari Daryus Yaunishkis hozircha jiddiy xavotirlar uchun asoslar yoʻqligi, biroq Gʻarbga qarshi kayfiyat kuchayotganini taʻʻkidladi.

Oxirgi uch yil ichida Litvaga kelayotgan markaziy osiyolik muhojirlar soni 14 barobar oshdi. Litva Davlat xavfsizlik departamenti rahbari Darius Yauniskis uning boʻlimi barcha sayohatchilarni tekshira olmasligi, bu holat aksilrazvedka va terrorizmga qarshi kurash sohasida qoʻshimcha xavf tugʻdirishini maʻʻlum qildi. Hozircha jiddiy xavotirlar uchun asoslar yoʻq, ammo Gʻarbga qarshi kayfiyat kuchaymoqda, dedi u LRT.lt saytiga bergan intervʻyusida.

Jauniskisning qoʻshimcha qilishicha, soʻnggi ikki yil ichida razvedka xizmatlari terrorchilik tashkilotlariga aloqador toʻrt nafar xorijlikni aniqlagan. Ularga yashash uchun ruxsatnoma berishni rad etish va Litvaga kirishni taqiqlash tavsiya qilingan.

Litva bosh vaziri Ingrida Shimonite uning bayonotiga javob qaytardi va Markaziy Osiyodan migratsiya kuchayganiga qaramay, uning koʻlami ahamiyatsizligicha qolayotganini taʻʻkidladi. Uning qoʻshimcha qilishicha, yil boshidan buyon atigi bir necha yuz nafar chet el fuqarolari Litvada vaqtinchalik yashash uchun ruxsatnoma olgan.

“Muammolar paydo boʻldi, ammo ular yangi qonunlar tufayli qisman hal qilindi. Ishonchim komilki, 2025 yilda kuchga kiradigan uchinchi davlatlardan ishchilar uchun kvotalar joriy etilishi bilan biz bu masalani yanada tartibga solishimiz mumkin”, — deya taʻʻkidladi Shimonite.

Migratsiya departamenti maʻʻlumotlariga koʻra, 1 oktyabrʻ holatida Litvada 10,6 ming nafar Oʻzbekiston fuqarosi istiqomat qilayotgan boʻlsa, yil boshida bu koʻrsatkich 8,2 ming, 2022 yilda esa 998 nafar boʻlgan. Tojikiston fuqarolari soni ham oshib, yil boshida 5,7 ming kishi boʻlgan boʻlsa, 7,2 ming kishiga etdi.

Oʻzbekiston va Tojikiston hozirda Litvada muhojirlar soni boʻyicha Ukraina (77,5 ming), Belarus (61,3 ming) va Rossiyadan (15,3 ming) keyin toʻrtinchi va beshinchi oʻrinlarni egallab turibdi. Umuman olganda, mamlakatda yashash uchun ruxsatnomaga ega 222 mingga yaqin xorijlik bor.

Mavzuga aloqador

Eng ko‘p o‘qilgan

Tavsiya qilingan