Kagʻitxaneda kamida 10 marta masjidga borgan bolalarga velosiped sovgʻa qilinadi

Istanbulning Kagʻitxane tumanida masjidga kamida 10 marta borgan bolalarga sovgʻa sifatida velosiped berilishi eʻʻlon qilindi.

Turkiyaning Istanbul shahri Kagʻitxane tumanida bolalarni masjidga borish va namoz oʻqishga odatlantirish maqsadida “Yoshlik uygʻonmoqda, oila namozda birlashadi” loyihasi boshlandi, deya xabar bermoqda DHA.

Loyihada tumandagi turli masjidlarda har yakshanba kunlari kamida 10 marta oʻtkaziladigan uchrashuv dasturiga tashrif buyurgan bolalarga velosiped sovgʻa sifatida taqdim etiladi.

Ushbu loyiha Kagʻitxane hokimligi va Milliy taʻʻlim mudirligi, Taʻʻlimni qoʻllab-quvvatlash platformasi, “Jihannuma”, “Eitim-Bir-Sen”, “Ansor” vaqfi, tuman muftiyligi, “Anadolu yoshllik darnagi” (nodavlat notijorat tashkiloti – tahr.), “Hayrat” vaqfi, Imom‑xatib bitiruvchilari darnagi, Turkiya yoshlik vaqfi, Inson va madaniyat harakati hamda Insoniy yordam vaqfi (İHH) tomonidan amalga oshirilishi maʻʻlum qilindi.

“Yoshlik uygʻonmoqda, oila namozda uchrashadi” loyihasi doirasida har yakshanba kuni tumandagi turli masjidlarda oʻtkaziladigan uchrashuv dasturi bolalar va yoshlarni masjidga borishga, diniy amallarni ado etib, bilim olishga daʻʻvat etishdan iborat. Loyiha yakunida masjidga kamida 10 marta kelgan bolalar va yoshlar velosiped bilan taqdirlanadi.

Kagʻitxane hokimi Mevlut Oʻztekin har yakshanba kuni bomdod namoziga qatnashgan bolalar va yoshlar ushbu loyihaga katta qiziqish bildirganini taʻʻkidladi. “Bolalar va yoshlarimiz loyihaga katta qiziqish bildirdi. Ularning koʻpchiligi namozga oila aʻʻzolari bilan birgalikda kelmoqda. Har yakshanba kunlari 2 ming kishigacha boʻlgan jamoatni hosil qilyapmiz. Ham maʻʻnaviyatlarini yuksaltirishlari, ham mana shunday huzurli bir muhit goʻzalligidan oila boʻlib bahramand boʻlishlarini istaymiz. Targʻib qilish maqsadida ularni mukofotlaymiz ham. Qatnashchilarga alohida‑alohida minnatdorchilik bildiraman”, ‑ dedi.