Islom taraqqiyot banki Oʻzbekistonda qariyb 300 mln dollar ajratadi

Islom taraqqiyot banki Oʻzbekistonda taъlim va yoʻl infratuzilmasini yaxshilash uchun qariyb 300 mln dollar ajratadi. Grant bitimlari doirasida inklyuziv taъlim talablariga asoslangan jami 58 ta maktabi quriladi. Shuningdek, Sirdaryo viloyatidan oʻtuvchi A-373 avtomobilь yoʻli rekonstruktsiya qilinadi.

Oʻzbekiston Islom taraqqiyot banki (ITB) bilan mamlakatdagi taъlim va yoʻl infratuzilmasini yaxshilash boʻyicha loyihalarni moliyalashtirish yuzasidan ikkita grant bitimini imzoladi, deya xabar bermoqda Iqtisodiyot va moliya vazirligi matbuot xizmati.

16 fevralь kuni Ar-Riyod shahrida (Saudiya Arabistoni) bosh vaziri oʻrinbosari — iqtisodiyot va moliya vaziri Jamshid Qoʻchqorov ITB prezidenti Muhammad Al Jasser bilan uchrashdi. Muloqot davomida tomonlar Oʻzbekistonda transport infratuzilmasi va taъlimni rivojlantirish, jumladan, ularda zamonaviy loyihalarni amalga oshirish masalalarini muhokama qildi.

Xususan, imzolangan birinchi bitimga koʻra, mamlakatda taъlim sifati va samaradorligini oshirishga qaratilgan SmartED loyihasi amalga oshiriladi. Buning uchun bank 160,25 mln dollar ajratadi.

Loyiha doirasida inklyuziv taъlim talablari asosida mamlakat boʻyicha jami 58 ta umumiy oʻrta taъlim maktabi quriladi. Ulardagi sinflar laboratoriya jihozlari, raqamli texnika va mebellar bilan taъminlanadi. Shuningdek, hujjat oʻquv qoʻllanmalarini yangilash, pedagoglarni tayyorlash dasturlarini takomillashtirish, baholash metodikasini qayta koʻrib chiqish va 2026 yilgacha barcha maktab oʻquvchilarini inklyuziv taъlim tizimi bilan qamrab olishni nazarda tutadi.

Imzolangan ikkinchi bitimda esa Sirdaryo viloyatining Oqoltin, Mirzaobod va Sardoba tumanlaridan oʻtuvchi A-373 avtomobilь yoʻlini rekonstruktsiya va modernizatsiya qilish belgilangan. Buning uchun 138,8 mln dollar yoʻnaltiriladi.

Transport talablarini qondirish uchun umumiy uzunligi 37 km boʻlgan yoʻl qismi toʻrtta yoʻlakkacha kengaytiriladi. Bu 2030 yilgacha yoʻlga ketadigan vaqtni 30 daqiqagacha qisqartirishi va avariya holatlarini taxminan 40 foizga kamaytirishi kutilmoqda. Loyihaning amalga oshirilishi mintaqalar va qoʻshni davlatlar oʻrtasidagi transport aloqasini yaxshilab, savdo va turizmni rivojlantirishga yordam berishi qayd etildi.

«Ushbu kelishuvlar ITBning Oʻzbekistonda barqaror rivojlanish, iqtisodiy oʻsish va infratuzilmani rivojlantirishga sodiqligini yana bir bor tasdiqlaydi», — deyiladi bank axborotida.