Endi diniy qoʻmita litsenziyasiz "umrachi"larni "ovlaydi"

Endi din ishlari boʻyicha qoʻmitaga kelib tushgan murojaatlar yoki shu kabi qoʻlga kiritilgan maъlumotlar asosida masъul xodimlar "Sirli mijoz" tadbirida ishtirok etishadi.

Yangi nizomga koʻra, qoʻmitaning masъul xodimlari oʻzini mijoz sifatida tanishtirgan holda "Umra" xizmatlarini noqonuniy amalga oshirishda gumon qilinayotgan jismoniy yoki yuridik shaxslar faoliyatini tekshiradi.

Tadbir davomida noqonuniy faoliyati koʻrsatayotganlikda gumon qilinayotgan jismoniy yoki yuridik shaxsga oid maъlumotlar toʻplanadi.

"Sirli mijoz" tadbiri davomida yashirin diktofon yoki video kuzatuv moslamalaridan foydalanilishga ruxsat beriladi. Diktofon yoki video kuzatuv moslamalari yordamida yozib olingan maъlumotlar Qoʻmita tomonidan qabul qilib olinadi va ulardan mazkur Nizomda koʻrsatilgan hollardan tashqari boshqa maqsadlarda foydalanishga yoʻl qoʻyilmaydi.

Mazkur Nizom talablari buzilishida aybdor boʻlgan shaxslar qonunchilik hujjatlariga muvofiq javob beradi.