Britaniya TIV rahbari Markaziy Osiyoga tashrif buyurishni rejalashtirmoqda

Britaniya tashqi ishlar vaziri Devid Kemeron “qaysi soha va korxonalar, taʻʻlim muassasalari bilan hamkorlik qilish kerakligini biladigan barcha bilan davra suhbati oʻtkazish” uchun Markaziy Osiyo davlatlariga tashrif buyurishni rejalashtirmoqda. Avvalroq parlamentda Britaniyaning MO davlatlari bilan aloqalari samarasiz yoʻlga qoʻyilgani tanqid qilinib, Rossiya va Xitoyning mintaqadagi taʻʻsirini kamaytirish choralarini koʻrishga chaqirilgan edi.

Britaniya tashqi ishlar vaziri Devid Kemeron Markaziy Osiyo davlatlariga tashrif buyurishni rejalashtirmoqda. Bu haqda u 5 mart kuni boʻlib oʻtgan parlament debatida toʻxtalib oʻtdi.

“Biz butun dunyo boʻylab ittifoq va sheriklik tarmogʻimizni mustahkamlash tarafdorimiz. Markaziy Osiyo biz yaxshiroq ishlashni istagan tarmoqlardan biridir. Men u erga tashrif buyurishni rejalashtiryapman. U erda qaysi soha va korxonalar, taʻʻlim muassasalari bilan hamkorlik qilishimiz kerakligini biladigan barcha bilan davra suhbati oʻtkazaman”, - dedi Devid Kemeron.

Eslatib oʻtamiz, oʻtgan yilning dekabrida 2024 yilda Britaniya rahbariyatining Markaziy Osiyo davlatlaridan boʻlgan hamkasblari bilan S5+1 formatida sammiti oʻtkazilishi rejalashtirilgani maʻʻlum boʻlgan edi. Britaniya parlamentida taqdim etilgan hisobotda mualliflar Britaniya vazirlari bilan Oʻzbekiston, Qozogʻiston, Qirgʻiziston, Tojikiston va Turkmaniston hukumatlari oʻrtasidagi oʻzaro hamkorlik samarasiz ekani tanqid qilingan, shuningdek, Britaniya hukumatini Rossiya va Xitoyning mintaqadagi taʻʻsiriga faolroq qarshi turishga chaqirgan edi.