Boku Evropa Ittifoqi elchisiga norozilik notasini topshirdi

Evroparlament Ozarbayjondagi vaziyat, inson huquqlari va xalqaro huquqning buzilishi, shuningdek, Armaniston bilan munosabatlarga oid rezolyutsiyani qabul qildi. Rezolyutsiyada arman ishgʻolidan ozod qilingan hududlardan harbiylarini olib chiqib ketish talab qilingan. Ozarbayjon TIV ushbu hujjatda keltirilgan talablardan norozi boʻlib, EI elchisini chaqirdi.

Evropa Ittifoqining Ozarbayjondagi elchisi Peter Michalko Ozarbayjon Tashqi ishlar vazirligiga chaqirildi. Bu haqda vazirlik matbuot xizmati xabarida aytiladi.

Diplomatga 24 oktyabrʻ kuni Evroparlament tomonidan qabul qilingan “asossiz va xolis aksil-Ozarbayjon rezolyutsiyasi” munosabati bilan norozilik notasi topshirildi.

Maʻʻlumotlarga koʻra, Ozarbayjon Tashqi ishlar vazirligi 24 oktyabrʻ kuni Evroparlament tomonidan qabul qilingan rezolyutsiya hamda Evropa komissarining Evroparlamentdagi muhokamalar chogʻida bildirilgan “asossiz va noxolis bayonotlarini keskin qoralagan”.

Tashqi ishlar vazirligi “Evropa Ittifoqining turli institutlari orqali Ozarbayjonni qoralash kampaniyasining davom etishi, Ozarbayjon suvereniteti va hududiy yaxlitligiga tajovuz qiluvchi bayonot va qadamlari, mamlakat ichki ishlariga aralashishi Armanistonda revanshizmni ragʻbatlantirmoqda va bu orqali Ozarbayjonning mintaqada tinchlik oʻrnatish boʻyicha harakatlariga zarar etkazmoqda".

“Ozarbayjon Evropa Ittifoqi bilan munosabatlarni xalqaro huquq normalari va tamoyillari, oʻzaro hurmat, tenglik va oʻzaro manfaatlar asosida quradi va Evropa Ittifoqini ham ushbu fundamental tamoyillarga qatʻʻiy rioya qilishga chaqiradi”, — deyiladi Ozarbayjon TIV bayonotida.

Tashqi ishlar vazirligi Evropa Ittifoqidan “Ozarbayjonning suvereniteti va hududiy yaxlitligini buzuvchi, mintaqadagi tinchlik va barqarorlikka putur etkazuvchi, shuningdek, mamlakat ichki ishlariga aralashadigan gʻarazli qadamlardan saqlanishni” talab qildi.

Maʻʻlumot uchun, 24 oktyabrʻ kuni Evroparlament Ozarbayjondagi vaziyat, inson huquqlari va xalqaro huquqning buzilishi, shuningdek, Armaniston bilan munosabatlarga oid rezolyutsiyani qabul qildi. Ovoz berishda 573 nafar evropalik deputat ishtirok etdi, hujjat uchun 453 deputat yoqlab ovoz berdi, 31 deputat qarshi boʻldi, 89 nafari betaraf qoldi.

Deputatlar rezolyutsiyada Ozarbayjonning ham, Armanistonning ham suvereniteti va hududiy yaxlitligi qoʻllab-quvvatlanishi, 1991 yildagi Olmaota deklaratsiyasiga muvofiq hududiy yaxlitlik va chegaralar daxlsizligini oʻzaro tan olish tamoyillari asosida munosabatlar tartibga solinishi tasdiqlandi.

Ular, shuningdek, Ozarbayjon qoʻshinlarini arman ishgʻolidan ozod qilingan hududlardan olib chiqib ketish talabini tasdiqladi, Ozarbayjonni Armanistonning hududiy yaxlitligini hurmat qilishga chaqirdi hamda Ozarbayjon va Naxichevan oʻrtasidagi aloqa masalalari Armanistonning hududiy yaxlitligi toʻliq hurmat qilgan holda hal etilishi kerakligini taʻʻkidladi.