AQSh maʻʻmuriyati Turkiyaga F-16 samolyotlari sotilishi boʻyicha Kongressga rasmiy xabarnoma yubordi

AQSh Davlat departamenti Turkiyaga 40 dona F-16 Block qiruvchi samolyotini sotish, mavjud 79 ta F-16 ni modernizatsiya qilish va ularga ehtiyot qismlar etkazib berish boʻyicha rasmiy xabarnoma joʻnatdi. Turkiya Shvetsiyaning NATOga qoʻshilishini maʻʻqullagani ortidan ushbu qarorga Kongress tomonidan ruxsat berilishi ehtimoli katta.

AQSh Davlat departamenti Kongressga Turkiyaga yangi F-16 qiruvchi samolyotlarini sotish va mavjudlarini moderniyazatsiya qilish boʻyicha rasmiy bildirishnoma yubordi.

Xususan, Amerika tashqi siyosat departamenti Kongressga Turkiyaga 40 ta F-16 Block 70 qiruvchi samolyoti va mavjud 79 ta F-16 samolyotini modernizatsiya qilish va ular uchun ehtiyot qismlar toʻplamlarini sotishni maʻʻqullagan rasmiy bildirishnoma yubordi, deyiladi AQSh Mudofaa xavfsizligi hamkorlik agentligi bayonotida.

AQSh Davlat departamenti Turkiyaga 23 milliard dollarga yaqin F-16 va tegishli jihozlarni sotish va modernizatsiya qilishga ruxsat berishga qaror qildi, deyiladi xabarda.

Hisobotda, F-16 samolyotlarining Turkiyaga sotilishi NATO xavfsizligi va barqarorligi nuqtai nazaridan muhim ekanligi taʻʻkidlangan.

Avvalroq AQSh Senati tashqi aloqalar qoʻmitasi raisi Ben Kardin Oq uydan tegishli bildirishnoma olishi bilanoq Turkiyaga qiruvchi samolyotlarni sotishni maʻʻqullash niyatida ekanligini maʻʻlum qilgandi.

“Turkiyaning F-16 samolyotlarini sotib olish haqidagi soʻrovini maʻʻqullashim uning Shvetsiyaning NATOga kirishini maʻʻqullashiga bogʻliq edi”, ‑ deya senator Anqara tomonidan Shvetsiyaning Ittifoqqa kirishini maʻʻqullash qaroridan mamnunligini bildirdi.

Tegishli qonunchilikka koʻra, ushbu xabarnoma Kongressda NATO davlatlari uchun 15 kun, NATOga aʻʻzo davlatlar uchun esa 30 kun ichida koʻrib chiqilishi kerak.

Mavzuga aloqador

Eng ko‘p o‘qilgan

Tavsiya qilingan

Reklama