Aliev Ozarbayjon armiyasini urushga tayyor turishga chaqirdi

Ozarbayjon prezidenti Ilhom Aliev mamlakatni har qanday vaqtda urushga tayyor turishga chaqirdi. Bu haqda Anadolu xabar berdi.

Qurolli Kuchlarimiz har daqiqa, har kuni davlatimiz manfaatlari va xavfsizligini taъminlashda posbonlik qilmoqda. Biz ehtimoliy tahdid manbalarini kuzatmoqdamiz, koʻrmoqdamiz va koʻramiz.  Biz harbiy qudratimizni oshirib bormoqdamiz, deya taъkidlagan Aliev.

U Ozarbayjonga eng zamonaviy dronlar, yangi artilleriya tizimlari keltirilganini maъlum qilgan. Yangi jangovar samolyotlar xarid qilish boʻyicha shartnomalar imzolangani, mavjudlari esa toʻliq modernizatsiya qilinganini qoʻshimcha qilgan.

“Biz har qanday vaqtda urushga tayyor turishimiz lozim, chunki dunyodagi jarayonlarning kechishi shunday tezki, ertaga nima boʻlishini oldindan aytib boʻlmaydi”, degan Ozarbayjon prezidenti.