21.07.2025 13:23
337

"Shahar bedarvozami?" — MTDP raisi oʻrinbosari Toshkentda pivo festivali oʻtkazilganini qoraladi

«Milliy tiklanish» partiyasi raisi oʻrinbosari Feruza Muhammadjonova Toshkent shahrida boʻlib oʻtgan «Pivo festivali» haqida oʻz fikrini bildirdi. U daraxt kesilishiga qarshi barcha isyon qilib, pivo festivaliga nisbatan sukunat ekanligidan hayron.

«Maydon odamlar bilan gavjum boʻldi. Ishtirokchilarning aksariyati yoshlar. Rusiyzabon OAV bu mavzuni keng yoritdi. Oʻzbekzabon OAVlar va ziyolilar esa jim. Toshkentning narigi tomonida esa Islom tsivilizatsiya markazi qad rostlamoqda…

Pivo festivali birinchi marta oʻtayotgani yoʻq. Bu tadbirni oʻtkazish anъanaga aylanib bormoqda», deya fikrini boshlagan Feruza Muhammadjonova.

Partiya vakilining taъkidlashicha, oʻzbek jamiyatida ham spirtli festivallar ochiqchasiga, ommaviy shovqin va reklama bilan oʻtkazilyapti.

Baъzi doiralar bunday festivallarni «turistlar uchun», «shaharni ochiq va zamonaviy koʻrsatish uchun» deb asoslashadi. Lekin savol tugʻiladi: oqibatini hisob-kitob qilmagan «ochiqlik» — rivojlanishmi yoki oʻzlikdan voz kechishmi?!

Muhammadjonovaga koʻra, hech bir zamonaviy shahar oʻzligini toptab rivojlanmaydi.

«1886 yilda Toshkentning yangi shahar qismida xalqni, tub aholini izdan chiqarish uchun ataylab «Piyon bozori» — mayxonalar ochilganidan xabarimiz bor. Chorizmni tushunsa boʻladi. Bugun bu tadbirni kim va nima uchun qoʻllab-quvvatlamoqda?!

Oʻzbekiston Germaniya emaski, har yili shuncha tadbirdan 1 milliard evroga yaqin daromad keltirsa…
Yoshlarimizga atigi 5 ming soʻm evaziga spirtli ichimlik taklif etilishini esa hech qanday asoslash mumkin emas!

Toshkent — mamlakatning yuragi. Madaniyat, siyosat, turizm, media — hammasi aynan shu erda boshlanadi. Demak, bu erda oʻtkazilgan har qanday tadbir butun mamlakat uchun namuna boʻlishi kerak. Biroq bu ketishda bunday tadbirlar Buxoro, Samarqand va hatto Qoʻqongacha etib borishi hech gap emas. Balki etib borgandir ham…

Pivo festivalini aynan Toshkentda oʻtkazish — bu shunchaki faollar yoki biznes tashabbusi emas, balki xalqning milliy anъanalari va oʻzligiga nisbatan beeъtiborlik, hatto tahqirlashdir!

Bugun pivo, ertaga vino, keyin esa spirtli barlar — hech qanday madaniy cheklovlarsiz oʻtadigan tadbirlar. Shu tarzda jamiyatni sezdirmasdan, bosqichma-bosqich oʻzgartirish mumkin», — deb yozdi u.

Muhammadjonova kim nima ichishi uning shaxsiy tanlovi ekanini tan oldi, lekin bu tanlov jamoat joylarida, butun jamiyat koʻz oʻngida targʻib qilinishiga yoʻl qoʻyib boʻlmasligini taъkidladi.

«Erkinlik tushunchasi madaniyatsizlik va hadsizlik bilan aralashib ketsa, bu — jamiyatning oʻzligini yoʻqotishidan darak», — dedi u.

Partiya vakili jamoatchilik bunday ommaviy targʻibotlarga qarshi fikr bildirishi kerakligini taъkidladi. Shuningdek, bu masalada muammolar etarlicha ekani, mutaxassislar fikricha, Oʻzbekistonda eng yosh giyohvand 12 yoshda ekanligini maъlum qildi.

«Demak, bugun bahs ochilgan masala faqat daraxt masalasi emas. Bu — insonning hayoti va kelajagiga bogʻliq masala.
Agar bir daraxt uchun jamiyat shuncha faol qoʻzgʻalsa — demak, bu jamiyatdan katta umid qilish mumkin. Chunki musulmon odamning qalbiga «Qiyomat qoim boʻlayotganini koʻrsang ham, qoʻlingda bir daraxt niholi boʻlsa, uni ekib ulgur», degan hadis muhrlangan.

Biroq bu borada ham ikki xil standart mavjudga oʻxshaydi: daraxt kesishga isyon — pivo festivaliga esa sukut!», — deya qoʻshimcha qildi u.

Xulosa oʻrnida Muhammadjonova shunday dedi:

«Qanday qilib daraxtni himoya qilsak, oʻzligimizga daxldor masalalarda ham shunday qatъiyatli boʻlishimiz kerak.
Men Alisher Qodirovning: «Daraxt himoyasiga birlashgandek suv, er, energiya resurslari, oziq-ovqat va vaqt, qolaversa oʻzligimizni isrofiga qarshi ham birlasha olsak edi», — degan fikrlariga qoʻshilaman».

Mavzuga aloqador