Ukrainada minglab odamlar Zelenskiyga qarshi namoyishga chiqdi

Ukrainaning barcha yirik shaharlarida Vladimir Zelenskiyga qarshi namoyishlar boʻlib oʻtmoqda. Evropa davlatlari ham bundan norozi va Kievga yordamni bekor qilish bilan tahdid qilmoqda. Bu haqda RBK nashri xabar berdi.

Qayd etilishicha, Zelenskiy Milliy korruptsiyaga qarshi kurash byurosi va Maxsus korruptsiyaga qarshi prokuratura kabi muhim korruptsiyaga qarshi organlarni mustaqilligidan mahrum qiluvchi qonunni qabul qilgan. Yangi qoidalar boʻyicha ushbu organlar ustidan nazorat prezident tomonidan tayinlangan bosh prokuratura tasarrufiga oʻtgan.

Shundan soʻng, Kiev, Lviv va Odessada minglab odamlar norozilik bildirib chiqishgan. Bu urush boshlanganidan beri Ukrainadagi ilk yirik hukumatga qarshi namoyish sifatida baholanmoqda.