Ukraina ilk bor Murmansk viloyatiga “dron” uchirdi: rekord masofa – 1850 km
Ukraina uchuvchisiz uchoqlari ilk bor Murmansk viloyatiga hujum qildi. Chegaradan uchoq urib tushirilgan joygacha masofa rekord darajadagi 1850 km ni tashkil etadi. Ushbu hujum RF havo hujumidan mudofaa kuchlarining zaifligi natijasi sifatida baholandi.
Chorshanba
kuni Ukraina uchuvchisiz uchoqlari Murmansk viloyatiga hujum qildi, dedi viloyat
gubernatori Andrey Chibis.
z-harbiy
muxbirlarning maʻʻlumotlariga koʻra, uchuvchisiz uchoqlar Tu-95MS va Tu-22M3
strategik raketa tashuvchilari joylashgan Olenya harbiy aerodromi joylashgan hudud
shimolidagi Visokiy qishlogʻigacha uchib borishga muvaffaq boʻlgan.
Ukraina
uchuvchisiz uchoqlari urush boshlanganidan buyon ilk bor rekord darajada uzoqlikdagi
obʻʻektga hujum uyushtirdi: chegaradan Visokiy qishlogʻigacha boʻlgan masofa 1850 km.
Avvalgi
rekord – 1800 km – Ukraina Qurolli Kuchlari tomonidan may oyi oxirida, yadroviy
zarba uchun erta ogohlantiruvchi radar stantsiyasi (Voronej radarlari) joylashgan
Orenburg viloyatidagi Orsk shahriga hujum qilganda oʻrnatilgandi. Bungacha Ukraina
dronlarining eng uzoqdagi nishoni Rossiya-Ukraina chegarasidan 1660 km uzoqlikda
joylashgan Boshqirdiston Respublikasining Salavat shahridagi obʻʻekt boʻlgan.
Mash
maʻʻlumotlariga koʻra, Murmansk viloyatiga hujum qilgan dron Chernigovdan uchirilgan
boʻlishi mumkin. Mahalliy aholining soʻzlariga koʻra, xuddi shunday A22 “Uchar tulki”
rusumli uchuvchisiz uchoq bir kun avval mintaqada koʻrilgan. Murmansk va
Apatit aeroportlarida reyd tufayli havo hududidan foydalanishga cheklovlar joriy
etildi.
Aslida, bilvosita yoʻnalishni hisobga olgan holda, dron
taxminan 2000 km masofani bosib oʻtgan va bu Rossiya havo mudofaasi tizimidagi "katta tirqishlar" tufayli sodir boʻldi, deb yozadi “Voennyy osvedomitelʻ”.
“Bunday uzoq masofaga havo
hujumidan mudofaa zonalari xaritalari va ularning radarlari ishlashini hisobga olgan holda yaxshi ishlab
chiqilgan marshrut tufayli uchib
oʻta olgan”, deb taʻʻkidlaydi kanal muallifi.
Mavzuga aloqador
-
G7 davlatlari Rossiyaning muzlatib qoʻyilgani aktivlarini musodara qilish boʻyicha muzokaralarni boshladi.
-
Harbiy yordam paketi erdan havoga raketa sistemalari, Stinger raketalari, artilleriya oʻq-dorilari, tankka qarshi vositalar va boshqalarni oʻz ichiga oladi.
