Tunis prezidenti Qays Said 90,69 foiz ovoz bilan qayta saylandi
Tunisda boʻlib oʻtgan prezidentlik saylovlarida mamlakatning amaldagi prezidenti Qays Said 90,69 foiz ovoz bilan gʻalaba qozondi. Saylovlarda qatnashish darajasi 28,8 foizni tashkil etdi
Tunis Oliy saylov kengashi 6 oktyabrʻ kuni boʻlib oʻtgan
prezidentlik saylovlarining dastlabki
natijalarini eʻʻlon qildi. Oliy saylov kengashi raisi Faruk Buasker matbuot anjumanida Saidning
90,69 foiz ovoz olganini maʻʻlum qildi.
Boshqa
nomzodlar orasida Xalq Harakati etakchisi Zuhayr al-Magʻzaviy 1,97 foiz, 2020
yilda “Yashasin Tunis” partiyasidan deputat sifatida siyosiy hayotini boshlagan
tadbirkor Ayashi Zamal esa 7,35 foiz ovoz olgani bildirildi.
Konstitutsiya
boʻyicha professor boʻlgan Qays Said ilk bor 2019 yildagi saylovlarda prezident
etib saylangan edi.
Nomzodlardan
biri Zamal "yolgʻon bayonot berish" aybi bilan davom etayotgan sud jarayoni
tufayli qamoqdan turib saylovda qatnashdi.
Muxolifat
boykot qilgan saylovlarda qatnashish darajasi 28,8 foizni tashkil etdi.
Kecha
boʻlib oʻtgan saylovlar ortidan uyushtirilgan matbuot anjumanida Buasker, xorijda
va yurt ichida jami 9 million 753 ming 217 saylovchidan 2 million 808 ming 548
nafari ovoz berganini aytdi.
Buaskerning aytishicha, prezidentlik saylovlarida ishtirok
etganlar 28,8 foizni tashkil etgan.
Mamlakatning etakchi siyosiy partiyalaridan biri boʻlgan Ennahda
Harakati, ayniqsa muxolifatdagi
Milliy Ozodlik Jabhasi ham saylov jarayoni uchun "mos demokratik
muhit yoʻq" deb baholadi.
Mavzuga aloqador
-
Ozarbayjonda boʻlib oʻtgan prezidentlik saylovida amaldagi prezident Ilhom Aliev, dastlabki hisob‑kitoblarga koʻra, 92,1 foiz ovoz bilan gʻalaba qozondi. Ushbu saylovda ilk bor Qorabogʻ aholisi ham ishtirok etdi.
-
Oktyabrda boʻlib oʻtadigan Tunis prezidentligiga saylovlarda oʻz nomzodini qoʻymoqchi boʻlgan K2Rhym nomi bilan mashhur tunislik reper Karim Garbi hujjatlarni qalbakilashtirish aybi bilan sirtdan 4 yil qamoq jazosi va 1600 dollar jarimaga tortildi.
