Tolibon: Zelenskiyning ahvoli AQSh ittifoqchilariga saboq boʻlishi kerak

Afgʻoniston Islom Amirligining Pokistondagi sobiq elchisi mulla Abdussalom Zaif okean ortida Ukraina prezidenti Vladimir Zelenskiyga nisbatan munosabat haqida bayonot berdi.

Sobiq diplomatning taъkidlashicha, Zelenskiy Evropa va Amerika manfaatlari uchun oʻz mamlakatini qurbon qildi va xalqini ikkiyuzlamachilarning xayr-ehsoniga qaratib qoʻydi. Zaif bu ishlarning oqibatlariga urgʻu berib, Zelenskiy "yaqindagina Oq uydan juda katta hurmatsizlik bilan haydalganini" eslatib oʻtgan.

U, shuningdek, Qoʻshma Shtatlarning ittifoqchilarini ogohlikka chaqirib, soʻnggi voqealar ularga yaxshigina dars boʻlishi kerakligini aytib oʻtgan.

Eslatib oʻtamiz, Zelenskiy AQShga tashrifi chogʻida Oq uyda prezident Donalьd Tramp va boshqa AQSh rasmiylari bilan uchrashgandi. Oval kabinetdagi uchrashuvda Ukraina etakchisi qattiq tanqidga uchradi va bahslar oʻzaro janjal tusini oldi. Shundan soʻng Zelenskiy AQSh bilan kutilgan kelishuvni imzolamasdan, Oq uyni tark etishga majbur boʻlgan.