JSST: Afgʻonistonda 13 mln kishi oziq-ovqat tanqisligiga duch kelmoqda
Cheklangan gumanitar yordam tufayli bu raqamlar kelgusi hafta va oylarda yanada oshishi mumkin.
Jahon sogʻliqni saqlash tashkiloti (JSST) bosh direktori Tedros Adxanom Gebreyesus Afgʻonistonda 13 mln kishi jiddiy oziq-ovqat
taqchilligiga uchraganini aytdi.
"Afgʻonistonda aholining 30 foizini tashkil etuvchi 13 mln kishi keskin oziq-ovqat taʻʻminoti inqiroziga
duch kelmoqda", - dedi
Gebreyesus. Uning
qoʻshimcha qilishicha, mamlakatda 1 mln
ga yaqin bola ogʻir, 2,3 mln
bola esa oʻrtacha darajada oʻtkir toʻyib ovqatlanmaslikdan aziyat chekmoqda.
Bosh direktor Afgʻonistonda yashovchi odamlarning immuniteti
zaiflashgani va qishning ogʻir sharoiti tufayli yuqumli kasalliklardan oʻlish xavfi
yanada yuqori ekanini aytdi.
"Gumanitar yordam cheklangani sababli kelgusi haftalar va
oylarda bu raqamlar yanada oshishi mumkin", - dedi Gebreyesus.
JSST afgʻon bolalari va ayollarining toʻyib ovqatlanmaslik hamda oziq-ovqat
xavfsizligi oqibatlaridan oʻlishining oldini olish uchun shifoxonalarni
qoʻllab-quvvatlashni davom ettirish uchun 185 mln dollarga muhtoj, dedi u.
.png)
Mavzuga aloqador
-
Pokiston hukumati 1,7 million afgʻon muhojiriga noyabrʻ oyigacha mamlakatni tark etishni buyurgandi.
-
Mintaqada toʻsatdan paydo boʻlgan bozorni Oʻzbekiston birinchilar boʻlib toʻgʻri baholadi va bu imkoniyatni qoʻldan chiqarmadi.
