Soʻrov: Erondagi prezidentlik saylovlarida Masud Pezeshkian ustunlikka ega
Eronda prezidentlik saylovining ikkinchi turiga ovoz berish boshlandi. Unda ikki nomzod 69 yoshli sobiq sogʻliqni saqlash vaziri, islohotchi Masud Pezeshkiyan hamda Eron rahbarining respublika Milliy xavfsizlik oliy kengashidagi 58 yoshli vakili, konservativ Said Jaliliy prezidentlik lavozimi uchun kurashmoqda. 3 iyulʻ kuni oʻtkazilgan soʻrovlarda ishtirokchilarning 49,5 foizi islohotchi nomzod Pezeshkianga ovoz berishini aytgan. Saylovchilarning 43,9 foizi esa konservativ nomzod Said Jalilini afzal koʻrgan.
Eronda
prezidentlik saylovining ikkinchi turiga ovoz berish boshlandi. Unda ikki nomzod
69 yoshli sobiq sogʻliqni saqlash vaziri, islohotchi Masud Pezeshkiyan hamda Eron
rahbarining respublika Milliy xavfsizlik oliy kengashidagi 58 yoshli vakili,
konservativ Said Jaliliy prezidentlik lavozimi uchun kurashmoqda.
Eron Talabalar soʻrov agentligi
(ISPA) 3 iyulʻ kuni mamlakat boʻylab prezidentlik saylovlarining ikkinchi bosqichi
boʻyicha oʻtkazilgan soʻrov natijalarini taqdim etdi.
Unga
koʻra, prezidentlik saylovlarining ikkinchi bosqichida islohotchi nomzod Masud
Pezeshkian 49,5 foiz ovoz bilan etakchilik qilmoqda, saylovchilarning 43,9 foizi
esa konservativ nomzod Said Jalilini afzal koʻrgan.
31
viloyatda 18 yoshdan oshgan 3606 kishi ishtirok etgan soʻrovda, ovoz berishini aytgan
yoki qatnashmoqchi boʻlgan saylovchilarga “Agar hozir prezidentlik saylovi
oʻtkazilsa, siz Pezeshkian yoki Jaliliy orasidan kimga ovoz bergan boʻlardingiz?”
deb soʻralgan.
Soʻrovda qatnashganlarning 49,5 foizi islohotchi nomzod
Pezeshkianga, 43,9 foizi esa Milliy xavfsizlik Oliy kengashining sobiq bosh
kotibi, konservativ nomzod Jaliliyga ovoz berishini aytgan.
Ishtirokchilarning 4,8 foizi ovoz berishini aytdi, lekin hali
qaror qilmagan, 1,8 foizi “hammaga qarshi” ovoz berishini aytdi.
Eslatib
oʻtamiz, 28 iyunʻ kuni boʻlib oʻtgan birinchi turda Pezeshkiyan va Jalili mos ravishda
44 foiz va 40 foiz ovoz olgan edi. Gʻalaba qozonish uchun esa 50 foizdan koʻproq ovoz
olish talab etiladi. Mazkur saylovda saylovchilarning
40 foizi ishtirok etdi, bu Islom Respublikaning 45 yillik tarixidagi eng past
koʻrsatkichdir. Saylov byulletenlarining kamida 4 foizi haqiqiy emas deb topildi.
Prezidentlik
poygasining ikkala ishtirokchisi ham iqtisodiy oʻsish, ijtimoiy taraqqiyot va
mamlakat barqaror rivojlanishi tarafdori. Pezeshkiyan xorijiy sarmoyani jalb qilish,
Gʻarb bilan muloqot va Qoʻshma keng qamrovli harakatlar rejasini (yadroviy kelishuv)
tiklash tarafdori. Sogʻliqni saqlash vazirligining sobiq rahbari, Gʻarbiy
Ozarbayjon viloyatida tugʻilgan, Islom Respublikasi ayollari va etnik ozchiliklari
huquqlarini kengaytirishga vaʻʻda berdi va rasmiylarning hijobni majburiy kiyish
boʻyicha pozitsiyasini tanqid qildi.
Jaliliy
esa Gʻarb sanktsiyalariga qarshi kurashda ichki salohiyatga tayanish, qurolli kuchlarni
kuchaytirish va 19 may kuni aviahalokatda halok boʻlgan prezident Ibrohim Raisi
tashqi siyosatini davom ettirish tarafdori.
.png)
Mavzuga aloqador
-
Eronda saylovlarni nazorat qiluvchi Islom Respublikasi Qoʻriqchilar kengashi prezident Ibrohim Raisiyning kutilmagan oʻlimidan soʻng 28 iyunga belgilangan prezidentlik saylovlarida qatnashish uchun roʻyxatga olingan 80 nafar nomzodan 6 nafarini tanlab oldi. Eron prezidentligiga 4 nafar ayol ham nomzod sifatida roʻyxatdan oʻtgan edi, biroq ular yakuniy roʻyxatdan oʻrin olmadi.
-
Eronda bugun, 28 iyunʻ kuni muddatidan oldin prezidentlik saylovlari boʻldi. Ushbu lavozimni egallash uchun fors mamlakatida toʻrt nomzod – uch konservator va bir islohotchi kurashdi.
