Shin Bet rahbari: Gʻarbiy Sohilda yahudiy terrorizmi nazoratdan chiqib ketdi

Isroilning Shin Bet xavfsizlik agentligi rahbari Ronen Bar Gʻarbiy Sohilda yahudiy kelgindilar terrori nazoratdan chiqib ketgani uchun bosh vazir Benʻyamin Netanyaxu, milliy xavfsizlik vaziri ITamar Ben-Gvir va boshqalarni tanqid qildi. Bar Gʻarbiy Sohilda “Tepalik yoshlari” degan nom bilan tanilgan, falastinliklarga qarshi qotillik, oʻt qoʻyish va qoʻrqitish kampaniyasini olib borayotgan yahudiy ekstremistlarning xatti-harakatlarini jinoyat sifatida emas, balki terrorizm sifatida tasniflash kerakligini aytdi.

 

Isroilning Shin Bet xavfsizlik agentligi rahbari mamlakat rahbariyatini Gʻarbiy Sohildagi yahudiy terrorizmi nazoratdan chiqib ketgani va milliy xavfsizlikka jiddiy tahdidga aylangani haqida ogohlantirdi, deb yozadi The Guardian nashri.

Ronen Bar bu haqda bosh vazir Benʻyamin Netanyaxu, bosh prokuror va Isroil vazirlar mahkamasi aʻʻzolariga yoʻllagan maktubida yozgan. Ularning baʻʻzilari zoʻravonliklarning kuchayishiga sababchi boʻlayotgan ekstremist kelgindilarning ochiq tarafdorlari.

Tanqid qilinganlardan biri – milliy xavfsizlik vaziri Itamar Ben-Gvir Shabak boshligʻini ishdan boʻshatishga chaqirdi. Biroq bu juma kuni mudofaa vaziri Yoav Gallantning tanbehiga sabab boʻldi.

Barning maktubida diqqat Gʻarbiy Sohilda “Tepalik yoshlari” degan nom bilan tanilgan, falastinliklarga qarshi qotillik, oʻt qoʻyish va qoʻrqitish kampaniyasini olib borayotgan zoʻravon jangarilar, yahudiy ekstremistlarga qaratilgan.

Bar ularning xatti-harakatlarini jinoyat sifatida emas, balki terrorizm sifatida tasniflash kerakligini aytgan.

“Bu jinoyat emas, chunki bu qoʻrqitish zoʻravonlikdan foydalanishdir. Bu terror”, - deb yozgan u. Jangarilar “chaqmoqlardan urush qurollariga” oʻtishdi, degan xavfsizlik boshligʻi bu qurollarning bir qismi davlat tomonidan taqdim etilganini qoʻshimcha qilgan.

Terror kampaniyasi, deyiladi maktubda, "yahudiylik va barchamiz uchun katta dogʻ boʻldi".

Shin Bet direktori oʻtgan oy Ben-Gvirning Quddusdagi islomning eng muqaddas joyi boʻlgan al-Aqso masjidi va Qubbatus-Saxra majmuasiga kelganida koʻrsatgan "tomosha"si haqida gapirdi. Maʻʻbad togʻi yahudiylar uchun ham muqaddasdir, biroq oʻnlab yillar davomida yahudiylar unga kirishi mumkin boʻlsa-da, u erda faqat musulmonlar ibodat qilishiga kelishilgan edi. 18 iyulʻ kuni u erda Ben-Gvir kameralar oldida ibodat qilib, holatni butunlay oʻzgartirishga vaʻʻda berdi.

Barning ogohlantirishicha, bunday harakatlar "koʻp qon toʻkilishiga va davlat qiyofasini tanib boʻlmas darajada oʻzgartirishga" olib kelishi mumkin.

Millatchi rahbariyat, deya xulosa qilgan Bar oʻz mafkurasi nomidan "davlat xavfsizligi va uning mavjudligini xavf ostiga qoʻyishga tayyor edi".

N12 nashrining xabar berishicha, Ben-Gvir Barning maktubidan keyin Isroil xavfsizlik kabineti yigʻilishini tark etgan va uni ishdan boʻshatishga chaqirgan.

Netanyaxu hali Barni ishdan boʻshatishni gapirmasa-da, biroq Shabak rahbari va tashqi josuslik agentligi Mossad direktori Devid Barnini Gʻazo tinchlik muzokaralaridagi faoliyati uchun tanqid qilib, ular HAMAS tomonidan garovga olinganlarni ozod qilish boʻyicha kelishuv uchun Isroil xavfsizligini qurbon qilishga tayyor ekanliklarini bildirgan.

Biroq Bar va Ben-Gvir oʻrtasidagi janjalda Netanyaxu xavfsizlik vaziri tarafini oldi.

Barning oʻtgan hafta yuborilgan, lekin payshanba kuni kechqurun Isroilning 12-yangiliklar kanali tomonidan nashr etilgan maktubi Netanyaxu koalitsiyasining oʻta oʻng qanoti va Isroil xavfsizlik apparati oʻrtasidagi keng va keskin tafovutni ochiqlaydi.