AQSh va EI Gʻarbiy Sohildagi falastinliklarga hujumlari bilan tanilgan ekstremistga sanktsiyalar joriy etdi
AQSh va Evropa Ittifoqi bosib olingan Gʻarbiy Sohilda falastinliklarga hujumlari bilan tanilgan ekstremist koʻchmanchi, «Lexava» tashkiloti asoschisi va etakchisi Benzi Gopshteynga nisbatan sanktsiyalar joriy etdi.
AQSh
Davlat departamenti oʻz guruhining bosib olingan Gʻarbiy Sohilda falastinliklarga
hujumlari bilan tanilgan ekstremist muhojir Benzi Gopshteynga nisbatan
sanktsiyalar joriy qildi, deya xabar
bermoqda TRT.
Juma kuni
Qoʻshma Shtatlar ekstremist koʻchmanchi, Lehava tashkilotining asoschisi va rahbari
Benzi Gopshteynga qarshi sanktsiyalar kiritdi. Ushbu ekstremistik guruh bosib
olingan Gʻarbiy Sohilda falastinliklarga nisbatan zoʻravonlik amaliyoti bilan
mashhur. Gopshteynning sanktsiyalar roʻyxatiga qoʻshilishi Davlat departamenti
bayonotida eʻʻlon qilingan. Gopshteyn, shuningdek, oʻzining oʻta oʻng qarashlari bilan
tanilgan Isroil Milliy xavfsizlik vaziri Itamar Ben-Gvirning ishonchli odami.
"Gopshteyn boshchiligida “Lexava”
va uning aʻʻzolari falastinliklarga qarshi harakatlar yoki zoʻravonlik tahdidlari
bilan shugʻullangan, koʻpincha nozik yoki beqaror hududlarni nishonga olgan", -
deyiladi AQSh Davlat departamenti bayonotida.
Shuningdek, AQSh moliya vazirligi sanktsiyalar roʻyxatiga ikkita
yangi tashkilot – “Xevron
togʻi” (Mount Hebron Fund) va «Shlom Asirayx» (Shlom Asiraich)ni ham kiritdi.
Agentlik ularni AQShning yana ikki koʻchmanchiga nisbatan joriy qilgan sanktsiyalarini
buzganlikda ayblamoqda.
Mount Hebron Fund 1 fevralda sanktsiyaga uchragan Yinon Levi
nomidan mablagʻ yigʻish kampaniyasini uyushtirdi. Tashkilot uning uchun 140 ming dollar
ekvivalentini yiqqan.
Ben-Gvirning shtab boshligʻiga yuridik xizmat koʻrsatuvchi Shlom Asiraich tashkiloti 1
fevralʻ kuni bosib olingan Gʻarbiy Sohilda zoʻravonlik sodir etgani uchun sanktsiya joriy etilgan shaxs – David Chaya Chasdaya uchun 31 ming dollar yiqqan.
“Biz soʻnggi kunlarda Gʻarbiy Sohilda zoʻravonlik avj olganidan
chuqur xavotirdamiz va Isroilni ekstremistik koʻchmanchilar hujumlarining oldini
olish hamda
aybdorlarni javobgarlikka tortish uchun barcha choralarni koʻrishga chaqiramiz”, -
deyiladi AQSh tashqi siyosat departamenti bayonotida.
Evropa Ittifoqi ham bir qator ekstremistik tashkilotlarga, jumladan, “Lexava”ga, shuningdek, falastinliklarga qarshi
hujumlar uyushtirgan boshqa koʻchmanchilarga qarshi sanktsiyalar eʻʻlon qildi.
Isroil vaziri Ben-Gvirning taʻʻkidlashicha, AQSh va Evropa
Ittifoqining “Lexava” va koʻchmanchilarga qarshi sanktsiyalari
"Isroildan nafratlangan antisemit elementlarning qonli tuhmatining bir
qismidir".
Mavzuga aloqador
-
AQSh prezidenti Jo Bayden bosib olingan Gʻarbiy Sohilda falastinliklarga qarshi zoʻravonlik qilgan ekstremist yahudiy koʻchmanchilarga qarshi sanktsiyalar joriy etish toʻgʻrisidagi farmonini imzoladi. Bu haqda Oq uyning yozma bayonotida soʻz boradi.
-
Ispaniya tashqi ishlar vaziri Xose Manuel Albares mamlakati Gʻarbiy Sohildagi “12 tajovuzkor isroillik koʻchmanchilardan iborat birinchi guruh”ga qarshi sanktsiya jarayonini boshlaganini maʻʻlum qildi. “Sukut va harakatsizlik har doim jabrdiydalarning zarariga ishlaydi”, dedi musulmon davlatlarda yoʻq jurʻʻat va irodani namoyon etayotgan Ispaniya vakili.
