Saudiyada Haj vaqtida 14 ziyoratchi halok boʻldi
Saudiya Arabistonida Haj vaqtida Iordaniyadan kelgan 14 nafar ziyoratchi vafot etdi. Bu haqda "Yeni Şafak" gazetasi xabar berdi.
Qayd etilishicha, Iordaniya Tashqi ishlar vazirligi Makkadagi haj safari chogʻida “14 iordaniyalik ziyoratchi halok boʻlib, yana 17 nafari bedarak yoʻqolgani”ni maʻʻlum qilgan. Aksariyat hollarda ziyoratchilarning oʻlimi gʻayritabiiy issiqlik va suvsizlanish oqibatida yuz berayotgani aytilmoqda.
Avvalroq, Saudiya Arabistoni Milliy meteorologiya markazi rahbari Ayman Gʻulom “bu yilgi haj uchun kutilayotgan iqlim Makka va Madinadagi oʻrtacha harorat meʻʻyordan 1,5-2 darajaga [Tselʻsiy boʻyicha] koʻtarilishi”dan ogohlantirgandi. Oʻtgan yilgi Haj mavsumida 2 ming nafardan ortiq ziyoratchi issiq urishidan aziyat chekkan.
Saudiya Sogʻliqni saqlash vazirligi havo harorati keskin koʻtarilishi sabab ziyoratchilardan soat 11:00 dan 15:00 gacha ochiq havoda boʻlmaslikni soʻragan.
.png)
Mavzuga aloqador
-
Davlat rahbari Hajga, Umraga borib kelganlar maʻʻnaviyat targʻibotchisi boʻlishi kerakligini taʻʻkidladi.
-
Saudiya Arabistoni barcha ziyoratchilarni Hajda noqonuniy ishtirok etganlik uchun jazo choralari kuchaytirilishi haqida ogohlantirdi. Unga koʻra, Haj ziyoratiga ruxsatsiz kelganlar – ham mahalliy aholi, ham xorijliklar - 2 oydan 6 oygacha qamoq jazosi va 50 ming Saudiya riyoli (13,33 ming dollar)gacha jarimaga tortilishi, chet elliklar 10 yilga deport qilinishi mumkin. Shuningdek, noqonuniy ziyorat tashkilotchilari va tashuvchilarga ham jazo choralari kuchaytirildi.
