Rossiyaning Xarʻkovdagi koʻp qavatli uyga uyushtirgan hujumida 1 bola halok boʻldi, 34 kishi yaralandi

Rossiyaning tungi vaqtda 8 ta X-59/69 rusumli raketa, 2 ta Iskandar-M ballistik raketasi va 43 ta «Shahed» tipidagi uchuvchisiz uchoqlar yordamida Ukraina hududiga hujum qildi. Raketalardan biri Xarʻkovdagi koʻp qavatli uyga urildi, natijada bir bola halok boʻldi, 34 kishi jarohatlandi.

Ukraina prezidenti Vladimir Zelenskiy kechasi ijtimoiy tarmoqdagi sahifasida qilgan bayonotida Rossiya Xarʻkovdagi 9 qavatli uyga aniq boshqariladigan bomba bilan zarba berganini maʻʻlum qildi.

Hujumda yaralanganlar, jumladan bolalar ham borligini ifoda etgan Zelenskiy, "Vayronalar ostida odamlar boʻlishi mumkin. Barcha xizmatlar voqea joyida", - dedi u.

Xarʻkov viloyati harbiy boshqarmasi boshligʻi Oleg Sinegubov ham oʻzining ijtimoiy tarmoqdagi sahifasida Rossiya armiyasining Xarʻkovdagi turar-joy binosiga uyushtirgan hujumi oqibatida 12 yoshli bola halok boʻlgani, 34 kishi jarohatlanganini maʻʻlum qildi.

Sinegubovning xabar berishicha, qidiruv-qutqaruv ishlari davom etmoqda.

Ukraina Harbiy havo kuchlari qoʻmondonligi tomonidan berilgan bayonotda, Rossiyaning tungi vaqtda 8 ta X-59/69 rusumli raketa, 2 ta Iskandar-M ballistik raketasi va 43 ta «Shahed» tipidagi uchuvchisiz havo vositasi yordamida Ukraina hududiga hujum qilgani bildirildi.

Bayonotda Ukraina mudofaa kuchlarining havo jangi natijasida 17 ta dron va 2 ta X-59/69 rusumli boshqariladigan raketa urib tushirilgani aytilgan.