Rossiya Poltavaga raketa hujumini uyushtirdi: 41 kishi halok boʻldi, 180 dan ortiq kishi jarohatlandi
Rossiya qoʻshinlari Ukrainaning Poltava shahriga ikkita ballistik raketa bilan hujum qildi. Natijada eng kamida 41 kishi halok boʻldi, 180 dan ortiq kishi jarohatlandi. Raketalar taʻʻlim muassasasi va shifoxona hududiga kelib tushgan.
Rossiya qoʻshinlari 3 sentyabrʻ kuni Poltavaga raketa hujumi
uyushtirdi, deya maʻʻlum qildi
Ukraina prezidenti Vladimir Zelenskiy. Uning soʻzlariga koʻra, 41 kishi halok boʻlgan, 180 dan ortiq kishi
jarohatlangan.
Zelenskiyning taʻʻkidlashicha, ikkita ballistik raketa taʻʻlim
muassasasi va shifoxona hududiga kelib tushgan. Aloqa instituti binolaridan biri qisman vayron boʻlgan.
“Voqeaning
barcha holatlari boʻyicha toʻliq va tezkor tergov oʻtkazishni buyurdim. Qutqaruv
operatsiyasiga barcha zarur xizmatlar jalb qilingan. Zarbadan soʻng birinchi daqiqalardanoq
odamlarning hayotini saqlab qolgan har bir kishiga oʻz minnatdorchiligimni
bildiraman”, — dedi Zelenskiy.
Poltava viloyati harbiy boshqarmasi rahbari Filipp Proninning
aytishicha, sodir boʻlgan voqea tufayli poltavaliklar qon topshirmoqda.
“Barcha tegishli xizmatlar joyida ishlamoqda. Qutqaruvchilar va
shifokorlarning eng muvofiqlashtirilgan harakatlari bugungi kunda bir nechta
hayotni saqlab qoldi”, dedi Pronin.
Mavzuga aloqador
-
Rossiya Ukrainaga turli havo hujumi vositalaridan «kuchli» zarbalar bergani aytilmoqda.
-
Rossiya qoʻshinlarining Xarkovdagi qurilish gipermarketiga bergan zarbasi natijasida halok boʻlganlar soni 15 kishiga etdi. Maʻʻlumotlarga koʻra, 43 kishi jarohatlangan, yana 16 kishi bedarak yoʻqolgan.
