Rossiyadagi qamoqxonada Qurʻʻon musobaqasi boʻlib oʻtdi
Rossiya Federatsiyasining Mordoviya Respublikasidagi axloq tuzatish koloniyasida mahkumlar oʻrtasida Qurʻʻoni musobaqasi boʻlib oʻtdi. Qurʻʻoni karimni toʻgʻri qiroat qilish va azon aytish nominatsiyalarida gʻoliblarga Qurʻʻoni karim va esdalik sovgʻalari taqdim etildi.
Jazoni
ijro etish federal xizmati Mordoviya Respublikasi boʻyicha departamentiga qarashli
12-sonli axloq tuzatish koloniyasi mahkumlari oʻrtasida Qurʻʻoni karim qorilari
musobaqasi boʻlib oʻtdi, deya xabar bermoqda Islam News.
Musobaqa Mordoviya
Respublikasi musulmonlari markaziy diniy boshqarmasi va mintaqaviy Jazoni ijro
etish federal xizmati tomonidan tashkil etildi.
Tanlovdan
koʻzlangan maqsad – “Mahkumlarni maʻʻnaviy bilim olish va qonunga boʻysunuvchi
hayotga qaytarish, Muqaddas Bitikning umumbashariy amrlarini tushunish orqali shaxs
va davlatga hurmatli munosabatni shakllantirish, ularni islohotga undash;
anʻʻanaviy din vakillari va turli millat vakillari oʻrtasida yaxshi qoʻshnichilik
munosabatlarini shakllantirish, ozodlikdan mahrum qilish joylariga radikal va
ekstremistik gʻoyalar kirib kelishiga yoʻl qoʻymaslik; integratsiya va oʻzaro tushunish
maqsadida Rossiya va MDH mamlakatlarida yashovchi xalqlarning eng yaxshi yutuq va
anʻʻanalarini targʻib qilishdan iborat”, — dedi Mordoviya musulmonlari markaziy
diniy boshqarmasi raisi Shamil Sobitov.
Musobaqa 2 nominatsiya boʻyicha oʻtkazildi. “Qurʻʻoni karim matnini asl tilida toʻgʻri oʻqish”
nominatsiyasida birinchi oʻrinni Ahmad Abdelfattoh, ikkinchi oʻrinni Arsen Jalolov,
uchinchi oʻrinni Akbarjon Toʻlanboev egalladi. Ikkinchi nominatsiya – “Azon aytish”. Ushbu nominatsiyada oʻrinlar
quyidagicha taqsimlandi: birinchi oʻrin – Ravshanbek Homidov, ikkinchi – Jahongir
Toirov, uchinchi – Beksulton Abjaparov.
Tadbir soʻngida tanlov ishtirokchilariga faxriy yorliqlar,
gʻoliblarga esa diplom va qimmatbaho hadyalar: Qurʻʻon va sovgʻalar toʻplami topshirildi.
Avvalroq Mordoviyadagi 6-sonli axloq tuzatish koloniyasida pravoslav va musulmonlar uchun ibodatxonalar ochilgani
xabar qilingandi.
.png)
Mavzuga aloqador
-
Moskva umumqoʻshin qoʻmondonlik oliy bilim yurtida musulmon talabalar uchun namozxona ochildi
-
Rossiya prezidenti huzuridagi Inson huquqlari kengashi tijoriy va turar joy binolaridagi namozxonalarni yopish va taqiqlash masalasini koʻrib chiqmoqda. Bunga ushbu namozxonalarning aholiga noqulaylik tugʻdirayotgani sabab qilib koʻrsatilmoqda.
