Rossiyada prezidentlik saylovi boshlandi
Rossiyada prezidentlik saylovlari boshlandi, u mamlakat tarixida ilk bor uch kun - 15, 16 va 17 mart kunlari boʻlib oʻtadi. Saylov bosib olingan Qrimda va Ukrainaning Rossiya nazorati ostidagi hududlarida - Donetsk, Lugansk, Zaporojʻe va Xerson viloyatlarida ham boʻlib oʻtadi.
Uzoq Sharqda, xususan Chukotka va Kamchatkada saylov
uchastkalari 14 mart kuni Moskva vaqti bilan soat 23:00 da ish boshladi.
Bundan bir oy avval, 25 fevralda dastlabki ovoz berish
bosqichi boshlangan, unda,
Markaziy saylov komissiyasi raisi Ella Pamfilovaning soʻzlariga koʻra, 2,3 million
fuqaro oʻz tanlovini amalga oshirgan. Saylovchilar roʻyxatida respublika ichida va
undan tashqarida jami 112 million 309 ming 947 kishi bor.
Prezidentlik saylovlari jarayoni shuningdek, bosib olingan
Qrimda va Ukrainaning Rossiya nazorati ostidagi hududlarida - Donetsk, Lugansk, Zaporojʻe va Xerson viloyatlarida ham boʻlib oʻtadi.
Rossiya prezidentligiga saylovda toʻrt nafar nomzod roʻyxatga
olingan: amaldagi prezident Vladimir Putin (oʻz-oʻzini koʻrsatgan nomzod sifatida
ishtirok etmoqda), “Yangi xalq” partiyasidan Vladislav Davanʻkov, LDPRdan Leonid Slutskiy va Rossiya Kommunistik
partiyasidan Nikolay Xaritonov.
Avvalroq Evroparlament Rossiyadagi prezidentlik saylovlarini
kuzatish uchun oʻz vakillarini yubormaslikka qaror qilgan edi. Rasmiy bayonotga
koʻra, bu harakat "demokratiyaning oʻrnatilgan xalqaro standartlariga javob
bermaydigan" jarayonni qoʻllab-quvvatlashdan qochish istagi bilan bogʻliq.
Vladimir Putin Rossiyada 2000 yillarning boshidan beri
hokimiyat tepasida. U 2000 yillarda ikki marta prezident etib saylangan: 2000 va
2004 yillarda prezidentlik vakolati toʻrt yil bilan cheklangan edi. 2008 yilda
muhim siyosiy oʻzgarishlar yuz berdi: Dmitriy Medvedev prezidentlikka oʻtirdi, Putin
esa hukumatni boshqara boshladi.
2012 yilga kelib Putin uchinchi muddatga saylanishga qaror
qildi, oʻshanda uning
prezidentlik muddatini olti yilga uzaytirdi. 2018 yilda u yana toʻrtinchi marta
mamlakatni boshqargan. 2020 yil yozida esa Rossiya Konstitutsiyaga oʻzgartirish
kiritib, Putinga yana ikki marta saylovlarda qatnashish va hokimiyatda 2036 yilgacha qolish huquqini berdi.
.png)
Mavzuga aloqador
-
Rossiya prezidenti Vladimir Putin 2024 yilgi prezidentlik saylovida ishtirok etishini maʻʻlum qildi.
-
AQSh ham Markaziy Osiyo davlatlari suverenitetini dastaklash bahonasida yana katta oʻyinga qoʻshildi. Ammo bu oʻyinda hozircha Moskva va Pekinning qoʻli baland. Markaziy Osiyo amalda boshi berk koʻchaga kirib qolgan.
