Putin prezidentlik saylovida qatnashishini maʻʻlum qildi

Rossiya prezidenti Vladimir Putin 2024 yilda boʻlib oʻtadigan prezidentlik saylovida nomzodini ilgari surishini maʻʻlum qildi. Rossiya OAVlarining xabar berishicha, Putin Kremlʻ saroyida askarlarga medallarni topshirish marosimida bu haqda maʻʻlum qilgan.

"Yashirmayman, har xil vaqtlarda har xil fikrlar boʻladi. Lekin hozir siz haqsiz, hozir qaror qabul qilish kerak boʻlgan vaqt. Men Rossiya Federatsiyasi prezidenti lavozimiga nomzodimni qoʻyaman", - dedi Putin Kremlda Rossiya qahramonlari bilan uchrashuvda.

Federatsiyalar Kengashi kecha prezidentlik saylovi sanasini aniqlash maqsadida yigʻilib, saylovni 2024 yil 17 martda oʻtkazishga qaror qilgan edi.

Rossiyada avvalgi prezidentlik saylovlari 2018 yilning 18 martida boʻlib oʻtgan va Vladimir Putin 76,69 foiz ovoz bilan prezident etib saylangan edi.

Vladimir Putin 2024 yilgi saylovlarda beshinchi bor nomzod sifatida qatnashadi.